2 SAMUELA 2:16 - Jinghpaw Common Language Bible 2009

¹⁶ Shanhte gaw shada da a baw hpe magra da nhtawm shada da a garep achyaw galun hkat ma ai rai nna shanhte yawng ngu na marai hkun mali hte rau sha kadawng si mat ma ai. Dai rai nna Gibeon mare na shara dai hpe, “Nhtu Ni A Pa Layang,” ngu nna shamying da nga ma ai.

Jinghpaw Hanson Version Bible

¹⁶ Shanhte gaw langai hte langai chyaw chyaw rai nna, kadai mung tinang hte gasat ai wa a kara laji magra nna, shada da a garep galun ai hte nlang hte kalang ta si jawng mat ma ai; dai re ai majaw Gibeon ginwang na shara dai hpe, Helakat-nazurim ngu nna shamying mu ai.

2 SAMUELA 2:16 ပူးပေါင်းရင်းမြစ်များ

2 SAMUELA 2:14

Abna gaw Yoab hpe, “Laknak lang nna htim malan shingjawng ginsup dan na matu lahkawng maga na shabrang ni hpe rawt shangun ga,” ngu nna tsun wu ai. Yoab mung, “Mai sa, rawt yu mu ga,” ngu nna htan wu ai.

2 SAMUELA 2:15

Ishboshet hte Benyamin amyu bawsang kaw na masha shi lahkawng hte Dawi a hpang maga na masha shi lahkawng gasat anut hkat ma ai.

2 SAMUELA 2:17

Dai hpang shanhte gaw laja lana rai bai gasat hkat ma yang, Abna hte Israela masha ni mahtang Dawi a masha ni hpe sum mat ma ai.

2 SAMUELA 2:26

Abna gaw Yoab hpe shaga shapraw la nna, “Anhte gaw htani htana a gasat nga na saga ai kun? Hpang jahtum e chyawm gaw ahkup ahka nga ai hta jan nna hpa mung n nga mat na ra ai hpe nang n mu da wu ni? Anhte gaw hpu nau shada da wa she rai nga ga ai mi, na a masha ni anhte hpe n shachyut ai sha bai nhtang wa shangun kau na lam nang n hkang da nga ndai gaw, galoi du hkra nga nga na rai wu ni?,” ngu nna san wu ai.

1 HKAWHKAM 20:20

shanhte langai dek dek rai hpyen ni hpe sat kau mu ai; dai Suri masha ni mahtang hprawng mat wa nhtawm Israela masha ni hkan shachyut nang nga ma ai; rai ti mung Benhadad mahtang gumra dap na masha nkau mi hte rau gumra hta jawn nna hprawng lawt mat wa nga ai.

KASA 1:19

Yerusalem mare e nga ai masha ni yawng ndai byin ai lam hpe na chye masai. Dai rai nna shanhte a ga hku dai ga dachyawk hpe Akeladama ngu nna shamying mu ai. Dai gaw, “Sai ga” ngu ai rai nga ai.)

YAWSHU 19:25

De a ginwang hta Helkat, Hali, Beten, Ahkashahpa,