2 SAMUELA 2:14 - Jinghpaw Common Language Bible 2009

¹⁴ Abna gaw Yoab hpe, “Laknak lang nna htim malan shingjawng ginsup dan na matu lahkawng maga na shabrang ni hpe rawt shangun ga,” ngu nna tsun wu ai. Yoab mung, “Mai sa, rawt yu mu ga,” ngu nna htan wu ai.

Jinghpaw Hanson Version Bible

¹⁴ “Shaloi Abna gaw, Shabrang ni rawt nna anhte a man e ginsup dan yu mi ga,” ngu nna Yoab hpe tsun wu ai. Yoab mung, “Rawt mu ga,” ngu wu ai. Yoab mung, “Rawt mu ga,” ngu wu ai.

2 SAMUELA 2:14 ပူးပေါင်းရင်းမြစ်များ

2 SAMUELA 2:15

Ishboshet hte Benyamin amyu bawsang kaw na masha shi lahkawng hte Dawi a hpang maga na masha shi lahkawng gasat anut hkat ma ai.

2 SAMUELA 2:16

Shanhte gaw shada da a baw hpe magra da nhtawm shada da a garep achyaw galun hkat ma ai rai nna shanhte yawng ngu na marai hkun mali hte rau sha kadawng si mat ma ai. Dai rai nna Gibeon mare na shara dai hpe, “Nhtu Ni A Pa Layang,” ngu nna shamying da nga ma ai.

2 SAMUELA 2:17

Dai hpang shanhte gaw laja lana rai bai gasat hkat ma yang, Abna hte Israela masha ni mahtang Dawi a masha ni hpe sum mat ma ai.

2 HKAWHKAM 14:8

Dai hpang Amazia gaw Israela Hkawhkam Yehoasha hpang de gasat dakat hkying hkat na lam tsun dan na matu dat kasa ni hpe shangun dat wu ai.

GA SHAGAWP 10:23

Shut hpyit amu galaw ai hta kabu gara ai wa gaw angawk ai wa rai nga ai; zai byeng-ya hte hpring ai ni gaw hpaji byeng-ya hta awng sharawng nga ma ai.

GA SHAGAWP 17:14

Dangrang ai a npawt gaw dim da ai namhpai hta kachyi mi sharut gyi ai zawn rai nga ai; dangrang ai lam garai n sawng yang jahkring da u.

GA SHAGAWP 20:18

Kaja ai hpaji jaw ga hpe hkam la u, shaloi nang awng dang wa na ra ai; hkyen lajang ai lam n nga ai sha majan de hkum htim kapa shang wa, majan hkum baw hkawm et.

GA SHAGAWP 25:8

Lama ma byin ai hpe nang mu hkrup yang tara rung de sa tang na hkum tin. Nang shut ai lam hpe hpang e kaga masha wa sakse hkam yang, nang kaning di na ngu n ta?