2 SAMUELA 2:13 - Jinghpaw Common Language Bible 2009

¹³ Kanu Zeruia a kasha Yoab hte Dawi a du salang ni gaw shanhte hte hka lawng e sa hkrum nga ma ai rai nna hka lawng a maga mi de hpung mi, bai kaga maga mi de hpung mi rai, shanhte yawng dung jawng nga ma ai.

Jinghpaw Hanson Version Bible

¹³ Zeruia kasha Yoab mung Dawi a ali ama ni hte hkap tau nna, Gibeon hka lawng makau e shanhte hpe hkrum ma ai. Dai hka lawng a hkin-gau ndai hkran wora hkran rai dung nga ma ai.

2 SAMUELA 2:13 ပူးပေါင်းရင်းမြစ်များ

2 SAMUELA 2:18

Dai majan hta Zeruia a kasha masum rai nga ai Yoab, Abishai hte Asahela ni lawm nga ma ai. Asahela chyawm gaw chyahkyi zawn kagat chyang lu ai wa rai nna,

2 SAMUELA 20:23

Yoab gaw Israela hpyen luksuk hpe up hkang ai du rai nga ai; Yehoiada a kasha Benaia gaw Dawi a asak sin ai amu woi hpareng ai wa rai nga ai.

2 SAMUELA 20:8

Shanhte gaw Gibeon mare na lunghtawn kaba de du jang, Amasa sa tau la wu ai. Yoab chyawm gaw hpyen majan rawt na matu hpyen palawng sumraw la nna n-ga hta nhtu bang nhtawm dai hpe shingkyit hta noi da wu ai. Shing rai shawng de sit sa wa yang nhtu hkrat mat lu ai.

2 SAMUELA 23:24

Dai “Share Sumshi” hta lawm ai kaga masha ni gaw: Yoab a kanau Asahela Betlehem mare na Dodo a kasha Elhanan Harod amyu na Shama hte Elika Pelet amyu na Heleza Tekoa mare na Ikesha a kasha Ira Anahtot mare na Abieza Husha amyu na Mebunai Aho amyu na Zalmon Nehtohpa amyu na Maharai Nehtohpa lakung na Bana a kasha Heleb Benyamin mung, Gibea mare na Ribai a kasha Itai Pirahton amyu na Benaia Gasha makau kadit na Hidai Araba amyu na Abialabon Bahurim amyu na Azmawet Shalabona amyu na Eliaba Yashen a shadang sha ni Yonahtan Hara amyu na Shama Hara amyu na Shara a kasha Ahiam Mahka amyu na Ahabai a kasha Elihpelet Gilo amyu na Ahihtohpela a kasha Eliam Hkarmela amyu na Hezro Arab amyu na Parai Zoba mare na Nahtan a kasha Igala Gad amyu na Bani Amon masha Zelek Yoab a hpyen hking lang ya ai Bero amyu na Naharai Yatira amyu na Ira hte Gareb Hiti masha Uria Gumhkawng ai share hpyenla ni yawng marai sumshi sanit rai nga ai.

2 SAMUELA 8:16

Kanu Zeruia a kasha Yoab gaw hpyen luksuk up hkang du kaba rai nga ai; Ahiluda a kasha Yehoshahpat gaw labau ka matsing ai ni a hpareng rai nga ai.

1 HKAWHKAM 1:7

Shi gaw (kanu Zeruia) a kasha yan rai nga ai Yoab hte hkinjawng Abiahta yan hte bawng nna, shi galaw ai amu hpe karum madi shadaw la na myit jahkrum da wu ai.

1 HKAWHKAM 2:5

“Dai hta kaga lama mi naw nga nga ai, dai gaw Israela a hpyen luksuk ni hpe up hkang ai du lahkawng ngu na Nera a kasha Abna hte Yehtera a kasha Amasa yan hpe sat kau nna Yoab ngai hpe galaw ai lam nang dum na ndai. Bai majan byin ai aten hta shanhte galaw shapraw dat ai si hkrung si htan amu a matu ngwi pyaw simsa ai aten hta matai dawp nna shan hpe shi kaning rai sat kau ai hpe mung adum nga u. Shi gaw mara n kap ai masha ni hpe sat kau nu ai rai nna shi galaw ai amu a matu ngai hta lit lu nga nngai a majaw dai mara a nni nkri hpe ngai hkam sha nga nngai.

1 HKAWHKAM LABAU 11:6

Dawi gaw, “Yebusi masha langai mi hpe shawng sat lu ai wa gaw hpyen luksuk hpe up hkang ai wa tai lu na ra ai!,” ngu nna tsun wu ai hte maren, Zeruia a kasha Yoab gaw shawng woi gasat lu ai wa rai nna up hkang du tai wa sai.

1 HKAWHKAM LABAU 2:16

Shi gaw Zeruia hte Abigala ngu ai shayi sha lahkawng mung lu nga ai. Yese a shayi sha Zeruia hta shadang sha masum lu nga ai; dai ni gaw Abishai, Yoab hte Asahela ni rai nga ai.

YEREMIA 41:12

Dai rai nna, shanhte gaw shanhte a masha ni hte shi a hpang hkan shachyut nang ma yang, Gibeon mare na hka lawng kaba makau e hkan dep nang ma ai.

1 SAMUELA 26:6

Dai hpang, Dawi gaw Hiti masha Ahimelek hte Yoab a kanau Abishai, (shan a kanu gaw Zeruia rai nga ai) yan hpe, “Nan hta na kadai mahtang Shawlu a dap de ngai hte rau sa na myit ni?,” ngu nna san wu yang, Abishai mahtang, “Ngai hkan na nngai,” ngu nna htan wu ai.