2 SAMUELA 2:1 - Jinghpaw Common Language Bible 2009

¹ Dai hpang, Dawi gaw dai Madu hpe, “Ngai sa nna Yuda mare langai ngai hpe madu la lu na a ni?,” ngu nna san wu ai. Dai Madu mung, “Rai sa, nang sa lu na ndai,” ngu nna htan wu ai. Dawi gaw, “Gara mare mahtang?,” ngu nna san wu yang, “Hebron,” ngu nna dai Madu tsun wu ai.

Jinghpaw Hanson Version Bible

¹ Dai hpang Dawi gaw, Yehowa hpe, “Ngai Yuda mare langai ngai de sa wa mai na a ni?” Ngu nna san yu wu ai. Yehowa mung, “Wa su,” nga ai. Bai Dawi gaw, “Gara mare de wa yang mai na a ta?” ngu nna bai san wu yang, “Hebron mare de wa su,” nga ai.

2 SAMUELA 2:1 ပူးပေါင်းရင်းမြစ်များ

NINGPAWT NINGHPANG 13:18

Dai rai nna Abram gaw shi a sum htawt nna Hebron mare na chyoi pra ai hpun tu ai Mamre ngu ai shara makau e shang nga nga ai hte dai yang e, dai Madu a matu tawn hkungri langai mi shi galaw wu ai.

NINGPAWT NINGHPANG 32:2

Dai ni hpe shi mu ai shaloi, “Ndai gaw Karai Kasang a dabang rai nga ai,” ngu nna shi tsun wu ai. Shing rai dai shara hpe ngu nna shamying wu ai.

2 SAMUELA 15:7

Ya mali ning na ai hpang, Absalom gaw Dawi hpe, “Madu e, dai Madu hpe ngai tawn da ai ga sadi hpe shatup lu na matu, Hebron mare de ngai hpe wa shangun e law.

2 SAMUELA 2:11

Hebron mare hta hkaw dung nhtawm Yuda mung ting hpe sanit ning e shata kru up nga ai.

2 SAMUELA 5:19

Dawi gaw dai Madu hpe, “Hpilisti masha ni hpe sa gasat lu na rai ni? Nang ngai hpe awng padang jaw ya na n ni?,” ngu nna san wu ai. Dai Madu mung, “Rai sa, htim gasat su! Ngai nang hpe awng padang jaw na de ai!,” ngu nna htan wu ai.

2 SAMUELA 5:23

Dawi gaw kalang mi bai dai Madu hpe san yu wu yang, “Ndai yang kaw nna shanhte hpe hkum gasat; rai ti mung shinggrup da nhtawm balsam hpun ni tu nga ai makau htep kaga maga hku nna shanhte hpe htim gasat na shajin da u.

1 HKAWHKAM 2:11

Shi gaw mali shi ning tup Israela a hkawhkam tai nga ai; Hebron mare hta sanit ning, Yerusalem mare hta sumshi masum ning hkaw dung nna up hkang nga ai.

1 HKAWHKAM LABAU 29:7

Nawku Htingnu galaw na matu nga nna jaw ya sai aja tan 190, gumhpraw tan 380, magri mang tan 675, hpri tan 3,750 hte rai nga ai.

2 HKAWHKAM LABAU 11:10

Zoara, Aiyalon, hte Hebron mare ni rai nga ai.

SHAKAWN KUNGDAWN 143:8

Nang hpe ngai kam hpa nga nngai majaw, jahpawt manap shagu hta, na a dinggrin tsaw ra myit ngai hpe a shadum ya nga rit. Nye a akyu hpyi ai ga gaw nang kaw hkrang lung wa nna, ngai hkawm sa wa ang ai lam, ngai hpe madun ya e.

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

EZEKELA 36:37

Tsaw Htum ai dai Madu gaw, “Ngai gaw karum la na matu ngai hpe hpyi ai Israela amyu masha ni a nsen hpe kalang mi bai madat ya na nngai. Dai hpang, ngai gaw shanhte hpe sagu hpung zawn shalaw jahtam shangun na nngai.

BU HKAWM 13:22

Shanhte gaw dingda daw de shawng shang sa nna Anak ngu ai galu kaba ai amyu matu mara ni rai nga ai Ahiman, Sheshai hte Talamai lakung lama ni nga ai Hebron mare de du shang ma ai. (Hebron mare gaw Egutu mung na Zoan mare garai n de yang sanit ning shawng nna de nga sai mare re.)

BU HKAWM 27:21

Shi gaw nye a myit ra lam hpe Urim hte Htumim hte san ya ai hkinjawng Eleaza hpe kam hpa shamyet shanat na rai wu ai. Ndai hku nna, Eleaza gaw Yawshu hte Israela shawa hpung ting hte shanhte a magam bungli ni yawng hpe matsun madun na rai wu ai,” ngu nna tsun wu ai.

YAWSHU 15:13

Dai Madu gaw Yawshu hpe hkang da nu ai hte maren, Yuda a lamu ga daw mi hpe Yuda amyu bawsang hta na Yehpuna a kasha Hkaleb hpe jaw wu ai. Shi gaw Anak a kawa Arba madu ai Hebron mare hpe la wu ai.

TARA AGYI 1:1

Yawshu si mat ai hpang Israela amyu masha ni gaw dai Madu hpe, “Anhte a amyu bawsang ni hta na kadai mahtang Hkanani masha ni hpe shawng sa gasat ang na ga ta?,” ngu nna san ma ai.

1 SAMUELA 10:22

shanhte gaw dai Madu hpe, “Ndai yang e marai langai ngai naw nga ai n rai ni?,” ngu nna san ma ai. Dai Madu mahtang, “Shawlu gaw htawra ang na gun rai shingdu e makoi gyem nga ai,” ngu nna htan wu ai.

1 SAMUELA 23:2

Dai rai nna, shi gaw dai Madu hpe, “Hpilisti masha ni hpe ngai sa gasat na kun?,” ngu nna san wu ai. Dai Madu mung, “Rai sa, shanhte hpe sa gasat nhtawm Kila masha ni hpe hkye la su,” ngu nna htan wu ai.

1 SAMUELA 23:4

Dai re ai majaw, dai Madu hpe Dawi lang mi bai san yu wu ai rai nna, dai Madu gaw shi hpe, “Hpilisti masha ni hpe gasat dang lu ai awng padang ngai nang hpe jaw ya na de ai majaw Kila mare hpe sa htim gasat u,” ngu nna tsun wu ai.

1 SAMUELA 30:31

Hebron mare masha ni hpe mung shagun jaw wu ai. Shi hte shi a masha ni du hkawm ai shara ni yawng de mung jaw dat wu ai.