2 SAMUELA 19:8 - Jinghpaw Common Language Bible 2009

⁸ Dai hpang hkawhkam wa rawt nna mare chyinghka lam makau e sa dung nga wu ai. Dai yang e shi rai nga sai lam shi a masha ni na ma ai shaloi, shanhte yawng mung shi a grup grup hkan e sa hpawng nga ma ai. Dai aten e, Israela amyu masha ni yawng gaw tinang nang a nta de hprawng mat wa shajang nga ma ai.

Jinghpaw Hanson Version Bible

⁸ Shaloi she hkawhkam wa rawt nna mare chyinghka e dung nga ai. Hkawhkam wa mare chyinghka lam e wa dung ra ai, nga nna kajai shajang ma yang, masha nlang hte hkawhkam wa a man e sit sa ma ai. Israela masha ni chyawm gaw tinang a shara de hprawng wa masai.

2 SAMUELA 19:8 ပူးပေါင်းရင်းမြစ်များ

2 SAMUELA 15:2

Shi gaw jau jau rawt nna mare chyinghka lam e sa tsap tsap rai nga ai. Amu rawng ai masha langai ngai gaw hkawhkam wa hpe tara dara shangun mayu nna dai de sa wa jang, Absalom mahtang dai wa hpe shaga la nhtawm shi kanang na rai nga a ta?, ngu nna hkap san san di wu ai. Shaloi shi gaw wora amyu bawsang na rai nga nngai ngu nna htan jang,

2 SAMUELA 18:17

Shanhte gaw Absalom a moi mang hpe dai nam maling na sung ai nhkun kaba de kabai jahkrat bang nhtawm, nlung sumpum kaba sumpum let magap da ma ai. Israela masha ni yawng hprawng mat wa nhtawm tinang nang a nta de wa mat wa ma ai.

2 SAMUELA 18:24

Dawi chyawm gaw mare chyinghka lam a kata maga hte shinggan maga na lapran shara hta dung nga wu ai. Sin langa wa mung mare bunghku ntsa na tsaw htum ai shara de lung wa nhtawm chyinghka lam ntsa na numgaw e tsap nga ai; shi gaw tsan tsan de praw rai mada dat yu wu yang, masha langai mi chyu sha kagat wa nga ai hpe mu wu ai.

2 SAMUELA 18:4

Hkawhkam wa mung, “Nanhte myit ai lam shagu kaja htum nga myit dai majaw dai hku ngai hkan galaw na nngai,” ngu nna htan wu ai. Dai hpang shi gaw mare chyinghka lam makau e tsap nga yang, shi a masha ni mahtang hkying dap, latsa dap rai nna pru sa wa ma ai.

2 SAMUELA 19:3

Shanhte gaw majan ginra kaw na kagat hprawng mat wa ai majaw kaya dum nga ai hpyenla ni zawn mare kata de asim sha nhtang mat wa shajang ma ai.

1 HKAWHKAM 22:36

Ya jan shang ni wa jang, Israela arawng aya hku hkan nna aming pru wa nga ai: “Masha shagu gaw shi a mung ga de mung, mare de mung nhtang mat wa lu sai!”

2 HKAWHKAM 14:12

Amazia a hpyen luksuk ni sum mat ma ai rai nna shi a hpyenla ni yawng shanhte a nta ni de hprawng wa shajang nga ma ai.

2 HKAWHKAM 8:21

Dai rai nna Yehoram gaw shi a hpyen leng ni mahkra hte rau Zara mare de rawt sa wa ai; dai yang e, Edom hpyen luksuk ni shanhte hpe wang shinggrup da ma ai. Shana e shi hte shi a hpyen leng ni hpe up hkang ai du ni hte hparan lajang gasat dat mu yang, shanhte hprawng lawt mat wa nna shi a hpyenla ni mung tinang nang a nta de hprawng bra mat wa ma ai.

1 SAMUELA 4:10

Hpilisti masha ni aja awa gasat ma ai rai nna, Israela amyu masha ni hpe dang kau ma ai; shanhte mung tinang dum nta ni de hprawng mat wa ma ai. Dai yang e, ja ja kahtam sat hkat ma ai rai nna, Israela hpyenla mun masum sat kau ai hkrum ma ai.