2 SAMUELA 19:7 - Jinghpaw Common Language Bible 2009

⁷ Ya mung, pru sa nna na a masha ni hpe shangang shakang ai hte shalan shabran ya mi; dai hku nang n galaw ai rai yang, hpawt de nang hte rau masha langai mi mung n nga na ra ai gaw dai Madu a mying ningsang gang let ngai dagam nga nngai. Dai gaw na a asak prat tup hta hkrum sha ai nni nkri hta grau sawng htum ai ru yak tsin-yam tsindam tai na ra ai,” ngu nna tsun wu ai.

Jinghpaw Hanson Version Bible

⁷ Ya mung rawt u; pru nna na a mayam ni hpe shalan shabran mi: dai n rai yang, dai na, nang kaw masha langai mi muk n nga na saga ai, nga nna Yehowa a amying hpe gang let ngai dagam nga nngai: dai mahtang, nang brang ram prat kaw nna ya du hkra hkrum ai shoihpa yawng hta, grau yak na ra ai, ngu nna shadum wu ai.

2 SAMUELA 19:7 ပူးပေါင်းရင်းမြစ်များ

NINGPAWT NINGHPANG 34:3

Rai ti mung, dai numsha a ahpraw ningja grai tsawm htap nga ai hpe shi mu wu ai majaw shi hta tsaw ra myit anoi nga ai rai nna shi a tsaw ra myit hpe hkam la lu na matu shakut wu ai.

2 SAMUELA 19:6

Nang hpe tsaw ra ai ni hpe nang nhtan jashai kau nhtawm nang hpe n dawng n yawt ai ni hpe mahtang madi shadaw nga n hka! Na a du salang ni hte masha ni gaw na a matu hpa lachyum n pru nga saga ai hpe nang asan sha madun dan nga nit dai; dai ni na nhtoi hta Absalom mahtang hkrung nga nna anhte yawng si mat yang mahtang nang ram ram kabu na rai nga ndai gaw ngai mu lu se ai.

GA SHAGAWP 14:28

Hkawhkam wa a hkik hkam galu kaba ai lam gaw shi up hkang nga ai mung shawa masha gade law nga ai a ntsa e, madung nga ai; shanhte n lawm yang, shi kaman sha rai nga ai.

GA SHAGAWP 19:15

Lagawn nga u, yup pyaw nga u; rai ti mung, nang kawsi hpang gara hkrum na ra ai.

ESAIA 40:1

Anhte a Karai Kasang gaw, “Nye a amyu masha ni hpe shalan shabran mu, shanhte hpe shalan shabran mu!

HOSEA 2:14

Dai re ai majaw, ngai shi hpe nam mali kata de bai woi shalen shang mat wa nna dai yang e, tsaw ra ai ga tsun let shi hpe bai pyaw shangun na nngai.