2 SAMUELA 19:43 - Jinghpaw Common Language Bible 2009

⁴³ Israela masha ni mung, “Hkawhkam wa gaw nanhte a hpu nau langai mi rai nga tim Hkawhkam Dawi hte seng ai amu hta anhte grau nna htam shi sha n-ga, seng nga ga ai. Nanhte gaw anhte hpe hpa majaw yu kaji nga myit ni? Hkawhkam wa hpe woi nhtang wa na matu anhte shawng bawng jahkrup saga ai hpe hkum malap kau ya mi!,” ngu nna tsun htang wu ai. Rai ti mung Yuda masha ni gaw shada da tsun jahpra ai lam hta Israela masha ni hta grau nna ja la nga ma ai.

Jinghpaw Hanson Version Bible

⁴³ Bai Israela amyu masha ni gaw Yuda amyu masha ni hpe, Anhte gaw htamshi ting hkawhkam wa hte seng nga ga ai; Dawi hte nanhte seng ai hta anhte grau seng ga ai: dai re ai mi, anhte a hkawhkam wa woi ai lam hta, anhte hte shawng n bawng ai, anhte hpe n sawn ai hku hpa rai galaw myit ta? nga nna bai htan ma ai. Bai Yuda amyu masha ni tsun ai ga mahtang, Israela amyu masha ni a ga hta grau nna ja la malu ai.

2 SAMUELA 19:43 ပူးပေါင်းရင်းမြစ်များ

2 SAMUELA 19:14

Dawi htet dat ai ga ni gaw Yuda masha ni yawng a sadi dung ai lam, shi hpang de tsep kawp myit kayin la lu wu ai rai nna shanhte mung shi a du salang ni yawng hte rau nhtang wa na matu, shi hpang de shangun dat ma ai.

2 SAMUELA 19:9

Shanhte gaw mungdan ting hta shada da a lapran e ga li ga law nga nna, “Hkawhkam Dawi gaw anhte hpe gumlau hpyen ni a lata kaw nna hkye la mani ai. Hpilisti masha ni a lata kaw na mung anhte hpe hkye la mani ai, rai ti mung ya chyawm gaw Absalom a majaw mungdan kaw nna hprawng hkawm nga ai.

2 SAMUELA 20:1

Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

2 SAMUELA 20:6

Dai majaw hkawhkam wa gaw Abishai hpe, “Sheba gaw Absalom hta pyi grau nna anhte hpe sharu shatsang na ra ai. Nye a masha ni hpe woi nna shi a hpang hkan su; shing n rai jang, shi gaw bunghku ngang ai mare nkau mi gan madu la nhtawm anhte a lata kaw nna lawt mat wa na ra ai,” ngu nna tsun wu ai.

2 SAMUELA 5:1

Dai hpang Israela amyu bawsang ni yawng gaw Hebron mare de Dawi kaw sa nna, “Anhte gaw na a hkum shan, na a asai nan rai nga ga ai.

1 HKAWHKAM 12:16

Hkawhkam wa gaw shanhte a ga n madat ya nga ai hpe amyu masha ni mu jang, shanhte gaw, “Dawi hte shi a dinghku masha ni hpe yeng kau gaw! Anhte a matu shanhte hpa galaw ya nga ma sata? Israela masha ni e, nta de she wa mat saga law! Rehoboam shi hkum shi nan yu la sanu ga!,’” ngu nna jahtau tsun mu ai. Dai rai nna Israela amyu masha ni gumlau rawt nhtawm,

GA SHAGAWP 13:10

Myit tsaw myit dap ai lam gaw ru yak tsin-yam hta lai nna, hpa hpe mung shabyin ya lu ai n rai; hpaji jaw ya na matu hpyi lajin ai lam gaw hpaji grau rawng nga ai.

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

GA SHAGAWP 17:14

Dangrang ai a npawt gaw dim da ai namhpai hta kachyi mi sharut gyi ai zawn rai nga ai; dangrang ai lam garai n sawng yang jahkring da u.

GA SHAGAWP 18:19

Na a hpu nau wa hpe karum madi shadaw u, shaloi, shi gaw ngang ai mare bunghku zawn nang hpe makawp maga na ra ai; rai ti mung, ga law ga la rai nga yang chyawm gaw na a man e, shi a chyinghka pat kau ya na ra ai.

ROMA 12:21

N hkru n kaja ai gaw nang hpe n dang kau u ga, shing rai na malai mai kaja ai hte n hkru n hkra ai hpe dang kau u.

GALATI 5:15

Rai ti mung zai ai dusat matse ni zawn nanhte shada da kawa sha hkat nga myit yang gaw, nanhte shada da shamyit kau hkat ai lam tai na re ai majaw, sadi nga mu.

GALATI 5:20

gawkngu sumla naw ai lam, mandan lakle amu, hpyi lamum hpaji, n dawng n yawt ai hte, ga li ga law ai, manawn masham ai, pawt sindawng ai, shai wa bra wa ai lam, daw hka wa ai lam, hpung garan wa ai lam,

GALATI 5:26

Anhte gaw kaman lila grang gumrawng nna shada da jahte tam ai hte shada manawn masham hkum rai nga ga.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

YAKU 1:20

Masha a masin pawt ai gaw Karai Kasang ra sharawng ai ding hpring ai lam hpe anhte hta byin shangun lu ai n rai.

TARA AGYI 8:1

Dai hpang Ehprim masha ni gaw Gidon hpe, “Midian masha ni hpe nang sa gasat yang, anhte hpe hpa majaw n shaga n ta?,” ngu nna tsun ma ai. Dai lam a majaw shanhte ahkup ahka nga mat hkra aput shatsang ma ai.

TARA AGYI 9:23

Shaloi, Karai Kasang gaw Abimelek hte Shehkem masha ni langai hte langai a lapran e nhtan shai shangun ai hte shi hpe gumlau ma ai.