2 SAMUELA 19:39 - Jinghpaw Common Language Bible 2009

³⁹ Dai hpang Dawi hte shi a masha ni yawng Yawdan hka rap mat wa ma ai. Shi gaw Barazilai hpe pup nhtawm shaman da ya wu ai; shing rai Barazilai mung nta de wa mat wa wu ai.

Jinghpaw Hanson Version Bible

³⁹ Shing rai masha ni mahkra Yawdan hka rap ma ai; hkawhkam wa mung shi hkum nan rap nna, Barazili hpe pup let shi hpe shaman ya wu ai; bai shi gaw shi a shara de nhtang wa ai.

2 SAMUELA 19:39 ပူးပေါင်းရင်းမြစ်များ

NINGPAWT NINGHPANG 14:19

shi hpe shaman ya let, “Sumsing lamu hte ginding aga hpe hpan da ai dai Tsaw Htum ai Karai Kasang gaw Abram hpe shaman ya u ga!

NINGPAWT NINGHPANG 28:3

Chyahtum Chyalai N-gun Rawng Ai Karai Kasang gaw na a dinghku de sa wa ai lam hpe shaman ya nhtawm, kashu kasha law law nang hpe jaw ya u ga; shaloi nang gaw amyu baw law law ni a kawa tai wa na rin dai!

NINGPAWT NINGHPANG 31:55

Ya hpang jahpawt manap jau jau aten hta, Laban gaw shi a kashu ni hte shayi sha ni hpe pup shakram dat nhtawm shi a nta de nhtang wa na nga, pru mat wa wu ai.

NINGPAWT NINGHPANG 45:15

Dai hpang shi a kahpu ni langai hte langai hpe ahpum pup let naw hkrap nga wu ai. Dai hpang she, shi a kahpu kanau ni shi hte ga shaga hpang wa ma ai.

NINGPAWT NINGHPANG 47:10

Yaku gaw hkawhkam wa hpe shaman ga tsun nna pru mat wa wu ai.

NINGPAWT NINGHPANG 47:7

Dai hpang Yosep gaw shi a kawa Yaku hpe woi la nna hkawhkam wa hpang de woi shawn da wu ai. Yaku mung hkawhkam wa hpe shaman ya wu ai;

2 SAMUELA 13:25

Hkawhkam wa gaw, “Dai hku n rai na re ai ngai sha e, anhte yawng sa ga ai rai yang, na a matu nau wa hki na ndai,” ngu nna tsun wu ai. Absalom akroi anoi ngu ti mung hkawhkam wa n hkan hkraw wu ai. Absalom pru mat wa na matu shi hpe tsun wu ai.

2 SAMUELA 14:33

Dai rai nna Yoab mung Hkawhkam Dawi hpang de sa nhtawm Absalom tsun ai lam shi hpe tsun dan wu ai. Shaloi hkawhkam wa Absalom hpe shaga shangun dat wu ai rai nna hkawhkam wa kaw sa nhtawm shi a man e ga de gum dagup wu ai. Hkawhkam wa mung shi hpe hkap hkalum la ai hte pup wu ai.

2 SAMUELA 19:38

Hkawhkam wa gaw, “Ngai hte rau shi hpe woi mat wa na nngai; nang ra ai hte maren, shi hpe ngai galaw na we ai. Nang hpyi mahpyi hpa hpe mung na a matu ngai galaw na we ai,” ngu nna htan wu ai.

2 SAMUELA 6:18

Shi shagu hkungga ni nawng ya ngut jang, Chyahtum Chyalai N-gun rawng ai dai Madu a mying ningsang hta amyu masha ni hpe shi shaman ya mu ai hte,

2 SAMUELA 6:20

Dai hpang Dawi gaw shi a nta masha ni hpe shakram la na nga, nta de shang wa wu yang, Mihkala pru wa nhtawm shi hpe hkap tau la wu ai. Shi gaw, “Dai ni na nhtoi hta Israela hkawhkam gaw shi hkum a matu amying kaba dan hkung hkra galaw kau nu hka! Shi gaw shi a hkum hpe shi a du salang ni a shangun ma numsha ni a man e mana langai zawn madun dan nga nu hka!,” ngu nna tsun wu ai.

1 HKAWHKAM 19:20

Dai hpang Elisha gaw shi a utang ni hpe kau da nhtawm Elia hpang de hkan kagat nang let, “Nye nu yan wa hpe pup nhtawm shakram da na we ai. Dai hpang nang kaw hkan nang na nngai,” ngu nna tsun wu ai. Elia mung, “Mai sa, nhtang wa su. Ngai nang hpe hkum da na we ai n rai!,” ngu nna htan wu ai.

BU HKAWM 24:25

Dai hpang Balam shajin la nna, shi a dum nta de nhtang mat wa wu ai. Balak mung shi a lam hku wa mat wa ai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

KASA 20:37

Shanhte nlang ja ja hkrap ai hte Pawlu a du hta noi ahpum nna shi hpe pup let shakram dat mu ai.

1 HTESALONI 5:26

Kam sham ai ni yawng hpe chyoi pra ai lailen hte shakram hkat mu.

RUHTA 1:14

Shing nga jang, shanhte gaw kalang bai ja ja hkrap hpang wa ma ai. Dai hpang Orpa gaw shi a kamoi hpe pup nhtawm nta de bai nhtang mat wa wu ai; rai ti mung Ruhta chyawm gaw shi hta a manoi nga ai.

1 SAMUELA 24:22

Dawi mung shi shatup na lam, ga sadi jaw dat wu ai. Dai hpang Shawlu mung nta de nhtang mat wa nhtawm Dawi hte shi a masha ni mung shanhte makoi ai shara de nhtang mat wa ma ai.