2 SAMUELA 19:29 - Jinghpaw Common Language Bible 2009

²⁹ Hkawhkam wa mung, “Nang hte Ziba gaw Shawlu a sut gan sali wunli garan la lu nga myit dai ngu nna ngai daw dan hpajang da ya mase ai majaw loi mi mung jat tsun shara n nga ra na lit dai,” ngu nna htan wu ai,

Jinghpaw Hanson Version Bible

²⁹ Hkawhkam wa chyawm gaw, Na amu a lam hpa tsun shara naw nga a ta? Nang hte Ziba dai lamu ga karan lu na rai myit dai, ngai hpajang se ai, ngu wu ai.

2 SAMUELA 19:29 ပူးပေါင်းရင်းမြစ်များ

2 SAMUELA 19:28

Nye wa a dinghku masha ni yawng mung madu hkawhkam a lata hte si ging mat ai ni hkrai rai nga ga ai; rai ti mung nang chyawm gaw na a sha ku e shat lusha sha na ahkang ngai hpe jaw ya nit dai. Dai re ai majaw madu hkawhkam kaw na myi man pa ai amu kaga naw hpyi la na ahkang hpa mung n nga sali ai,” ngu nna htan wu ai.

2 SAMUELA 19:30

Mehpiboshet chyawm gaw, “Dai yawng Ziba la kau sanu ga; madu hkawhkam dum nta de shim lum ai hte wa lu sai majaw, nye a matu ram la nga sali ai,” ngu nna htan wu ai.

2 SAMUELA 9:2

Shawlu a dinghku kata na Ziba mying ai shangun ma langai nga nga ai; dai wa gaw Dawi kaw shang sa na matu tsun da hkrum nga ai. Hkawhkam wa gaw, “Nang Ziba rai nga n ni?,” ngu nna san wu ai. Shaloi shi mung, “Madu e, na a shangun ma wa rai nga nngai,” ngu nna htan wu ai.

2 SAMUELA 9:7

Dawi chyawm gaw, “Hkum hkrit et. Na nwa Yonahtan a jaw e, ngai nang hpe matsan dum la na de ai. Na a nji Shawlu e madu da ai lamu ga mahkra ngai nang hpe bai jaw na de ai; nang gaw nye a sha ku hta tut nawng sha nga lu na rai ndai,” ngu nna tsun wu ai.

2 SAMUELA 9:9

Dai hpang Shawlu a shangun ma Ziba hpe hkawhkam wa shaga la nna, “Shawlu hte shi a dinghku masha ni madu da ai arung arai shagu, dai na a Madu a kashu rai nga ai Mehpiboshet a lata de ngai ap ya nga nngai.

SHAKAWN KUNGDAWN 101:5

Langai ngai a n kaja ai lam ni hpe kahte tsun ai wa kadai hpe rai tim, ngai shaden kau na we ai. Gumrawng gumtawng ai hte myit tsaw myit dap rawng ai wa hpe ngai hkam sharang na nngai n rai.

SHAKAWN KUNGDAWN 82:2

“N tara ai hku tara jeyang ai lam hpe nanhte jahkring da lu na myit dai; tara n lang ai ni hpe myi man tau ai lam nanhte kachyi mi mung n rai lu na myit dai.

GA SHAGAWP 18:13

Nang garai n htan yang, shawng madat la u; dai hku lama nang n hkan ai rai yang, nang gaw angawk ai wa hte masha kaga ni hpe n kaw n law di ai wa rai nga ndai.

KASA 18:15

Rai ti mung dai amu gaw tsun shaga ai hta lang ai ga hkum ni a lam, mying shingteng ni hte nanhte a tara ni hte seng nna tsun dangrang mara shagun hkat ai amu she rai nga malit dai majaw, nanhte hkrai jeyang daw dan la mu. Dai zawn re ai amu ni a matu ngai tara agyi tai ya nngai n rai!,” ngu nna Yuda masha ni hpe daru kau wu ai.