2 SAMUELA 19:27 - Jinghpaw Common Language Bible 2009

²⁷ Shi gaw ngai hpe madu hkawhkam hpang de sa hkyen ai hku masu hkalem kau nga ti mung, nang gaw Karai Kasang a lamu kasa hte bung nga ndai majaw na a matu jaw ai zawn re ai amu hpe galaw u.

Jinghpaw Hanson Version Bible

²⁷ shi gaw na a mayam wa hpe, nang madu hkawhkam wa kaw gumlau kau ni ai: rai timung, nang madu hkawhkam gaw Karai Kasang a lamu kasa zawn rai nga ndai; nang ra ai hku galaw u ga.

2 SAMUELA 19:27 ပူးပေါင်းရင်းမြစ်များ

2 SAMUELA 14:17

Madu e, hkawhkam wa gaw Karai Kasang a lamu kasa hte bung nna kaja ai hte n kaja ai hpe chye ginhka lu ai majaw na a ga sadi gaw ngai hpe myit lum shangun na rai nga ai hpe ngai myit dum lu nga nngai. Dai Madu na a Karai Kasang gaw nang hte rau anga nga u ga law!,” ngu nna tsun wu ai.

2 SAMUELA 14:20

Shi gaw ndai lam mahkra hpe shading sharai na matu galaw nu ai. Madu hkawhkam wa gaw Karai Kasang a lamu kasa zawn hpaji rawng ai hte byin mabyin lam magup hpe chye ya nga ndai,” ngu nna htan wu ai.

2 SAMUELA 16:3

Hkawhkam wa gaw shi hpe, “Ataw, na a madu Shawlu a kashu Mehpiboshet kanang e nga nga a ta?,” ngu nna san wu ai. Ziba chyawm gaw, “Shi a kaji Shawlu a mungdan shi hpe Israela masha ni bai jaw ya na mara ai ngu, shi myit hkawn nga ai majaw Yerusalem mare e nga nga ai,” ngu nna htan wu ai.

2 SAMUELA 16:4

Hkawhkam wa gaw Ziba hpe, “Mehpiboshet madu da ai arai shagu gaw na a rai nga lit dai,” ngu nna tsun wu ai. Ziba chyawm gaw, “Ngai gaw na a shangun ma she rai nga nngai. Dai rai nna nye a hkawhkam hpe ngai tut nawng awng sharawng nga n-ga law,” ngu nna tsun htang wu ai.

2 SAMUELA 19:17

Benyamin amyu bawsang hta na masha hkying mi mung shi hte rau nga nga ma ai. Shawlu a dinghku na shangun ma Ziba mung shi a kasha shi manga hte shangun ma marai hkun hte rau sa wa nna hkawhkam wa a shawng e Yawdan hka de du nga masai.

2 SAMUELA 9:13

Dai rai nna lagaw lahkawng maga hten ai Mehpiboshet gaw Yerusalem mare hta nga nna hkawhkam wa a sha ku hta shi a lusha sha nga ai.

2 SAMUELA 9:3

Hkawhkam wa gaw shi hpe, “Ngai galaw na we ai ngu nna Karai Kasang hpe ga sadi jaw da ni ai hte maren, sadi sahka hte matsan dum ai lam ngai madun lu we ga, Shawlu a dinghku hta marai langai ngai naw ngam nga a ni?,” ngu nna san wu ai. Ziba gaw, “Yonahtan a kasha ni hta na langai mi naw nga ai. Shi gaw lagaw hten nga ai,” ngu nna htan wu ai.

SHAKAWN KUNGDAWN 101:5

Langai ngai a n kaja ai lam ni hpe kahte tsun ai wa kadai hpe rai tim, ngai shaden kau na we ai. Gumrawng gumtawng ai hte myit tsaw myit dap rawng ai wa hpe ngai hkam sharang na nngai n rai.

SHAKAWN KUNGDAWN 15:3

kaga masha ni hpe shatan nhkan ga n tsun nga ai. Shi gaw shi a manang ni hpe shut hpyit ai amu hpa mung n galaw ai hte, shi a htingbu ni a lam shiga n shapoi ya nga ai.

PRU MAT 20:16

“Kadai hpe mung n teng n man ai hku mara hkum shagun et.

YEREMIA 9:4

Masha shagu gaw shanhte a manang ni hpe makran na rai nga ai, jinghku jingyu ni yawng gaw Yaku zawn masu hkalem chye nga ai ma ai majaw kadai mung tinang a makyin jinghku ni hpe n kam ma ai; masha shagu gaw shanhte a manang ni hpe shatan ma ai.

1 SAMUELA 29:9

Ahkisha gaw, “Ngai chyawm gaw hkap la nngai, nang gaw Karai Kasang a lamu kasa langai zawn sadi dung nga ndai gaw ngai myit nawn nga nngai. Rai ti mung kaga hkawhkam ni mahtang anhte hte rau majan pa de n hkan sa lu na lam, tsun nga ma ai.