2 SAMUELA 19:26 - Jinghpaw Common Language Bible 2009

²⁶ Shi gaw, “Madu hkawhkam e, nang chye ai hte maren, ngai gaw lagaw hten ai wa rai nga nngai; nang hte rau jawn sa wa lu n-ga, ngu nna lawze hking byau na matu nye a shangun ma wa hpe pyi tsun se ai; rai ti mung shi mahtang ngai hpe gumle gumlau galaw nna hkalem kau wu ai.

Jinghpaw Hanson Version Bible

²⁶ shi gaw, Madu hkawhkam wa e, Na a mayam wa lagaw hten nngai majaw, nang kaw hkan nang na ngu nna lawze hking byau na maw nga yang, nye a mayam wa ngai hpe hkalem kau nngai;

2 SAMUELA 19:26 ပူးပေါင်းရင်းမြစ်များ

2 SAMUELA 19:17

Benyamin amyu bawsang hta na masha hkying mi mung shi hte rau nga nga ma ai. Shawlu a dinghku na shangun ma Ziba mung shi a kasha shi manga hte shangun ma marai hkun hte rau sa wa nna hkawhkam wa a shawng e Yawdan hka de du nga masai.

2 SAMUELA 4:4

Shawlu a amyu matu hta na kaga langai mi gaw Shawlu yan Yonahtan sat kau hkrum ai shaloi asak manga ning kaba sai Yonahtan a kasha Mehpiboshet rai nga ai. Yezrela mare kaw na shan sat kau hkrum sai shiga du jang, ma hpe yu gawn ai jan mung shi hpe hta pawn la nna woi hprawng mat wa wu ai. Rai ti mung hprawng wa yang nau tin kau ai majaw shi hpe tat jahkrat kau ai hte ma mung lagaw hten mat wu ai.

2 SAMUELA 9:3

Hkawhkam wa gaw shi hpe, “Ngai galaw na we ai ngu nna Karai Kasang hpe ga sadi jaw da ni ai hte maren, sadi sahka hte matsan dum ai lam ngai madun lu we ga, Shawlu a dinghku hta marai langai ngai naw ngam nga a ni?,” ngu nna san wu ai. Ziba gaw, “Yonahtan a kasha ni hta na langai mi naw nga ai. Shi gaw lagaw hten nga ai,” ngu nna htan wu ai.