2 SAMUELA 19:22 - Jinghpaw Common Language Bible 2009

²² Rai ti mung Dawi gaw Abishai hte shi a kahpu Yoab yan hpe, “Nan a myit nshat hpe kadai san yu a ta? Nan gaw ngai hpe ru yak shoichyum ai lam jaw na ngu myit ni? Ngai gaw Israela a hkawhkam wa rai nga nngai majaw dai ni e, Israela masha ni kadai mung sat kau hkrum lu na ma ai n rai,” ngu nna tsun wu ai.

Jinghpaw Hanson Version Bible

²² Dawi chyawm gaw, Zeruia kasha ni e, Dai ni nanhte ngai hpe hpyen na gaw, ngai hte hpa seng a ta? Dai ni Israela masha langai ngai si yang she mai a ni? Dai ni ngai Israela hkawhkam rai nga nngai gaw, ngai chye nga ai, n rai ni? Dai ni ngai Israela hkawhkam rai nga nngai gaw, ngai chye nga ai, n rai ni? ngu nna daru kau nhtawm,

2 SAMUELA 19:22 ပူးပေါင်းရင်းမြစ်များ

2 SAMUELA 16:10

Hkawhkam wa gaw Abishai hte shi a kahpu Yoab yan hpe, “Ndai gaw nan a bungli n rai nga ai: dai Madu shi hpe tsun shangun nga ai majaw shi ngai hpe matsa ai rai jang mung, shi shing nga ai hpe kadai wa san lu na ahkang lu nga a ta?,” ngu nna tsun wu ai.

2 SAMUELA 16:5

Hkawhkam Dawi gaw Bahurim mare de du jang, Shawlu a ru sai langai rai nga ai Gera a kasha Shime gaw shi hpe sa hkrum na nga pru sa wa ai. Shi gaw Dawi hpe matsa let sa wa nga ai.

2 SAMUELA 16:9

Kanu Zeruia a kasha Abishai gaw hkawhkam wa hpe, “Madu hkawhkam wa e, ndai gwi hpe nang hpa majaw matsa shangun nga n ni? Wora de ngai woi sa nna shi a baw hpe sa kahtam di kau shangun e!,” ngu nna tsun wu ai.

2 SAMUELA 3:39

Ngai gaw Karai Kasang e lata san da sai hkawhkam rai nga tim pyi, dai ni ngai gawng kya nga nngai. Ndai Zeruia a kasha ni gaw nye a matu nau wa ja la nga masai. Ndai ru hka amu galaw shapraw ai majaw shanhte hkam la ging ai hte maren dai Madu ari jaw ya u ga law!,” ngu nna tsun wu ai.

ESAIA 16:5

Dai hpang Dawi a matu mara langai gaw hkawhkam tai na ra ai, shi gaw amyu masha ni hpe sadi sahka hte tsaw ra myit hte up hkang na ra ai. Shi gaw ding hpring ai amu galaw na matu lawan na ra ai; teng man rap ra ai amu nga nga ai hpe shi mu na ra ai.)

MAHTE 8:29

Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

1 SAMUELA 11:13

Rai ti mung, Shawlu gaw, “Dai ni na nhtoi gaw dai Madu Israela hpe hkye hkrang la ai shani rai nga ai majaw, langai mi mung sat kau hkrum na n rai,” ngu nna tsun wu ai.

1 SAMUELA 26:11

Dai Madu nan hkawhkam shatai da sai wa hpe machyi shangun na matu ngai myit nga tim, dai Madu hkum kau ya nga ai. Sa, shi a nri hte ntsin namtau hpe chyawm gaw la mat wa ya ga,” ngu nna tsun wu ai.

1 SAMUELA 26:8

Abishai gaw Dawi hpe, “Karai Kasang gaw na a gumlau hpyen wa hpe na a lata hta dai na ap ya ra ai. Dai rai nna shi a nri hte nan aga de hkrang hkra kalang lata shi hpe galun htinggrang kau we ga, lahkawng lang pyi n kahtap ra na nngai!,” ngu nna tsun wu ai.

1 SAMUELA 26:9

Rai ti mung, Dawi mahtang, “Shi hpe machyi shangun lu na n rai! Shi lata san da sai hkawhkam wa hpe machyi shangun ai wa hpe dai Madu teng teng ari jaw na rai wu ai.