2 SAMUELA 19:18 - Jinghpaw Common Language Bible 2009

¹⁸ Hkawhkam wa a ali ama hpung ni hpe sharap na matu hte hkawhkam wa ra sharawng ai hte maren galaw ya na matu shanhte rap mat wa ma ai. Ya hkawhkam wa hka rap na matu jin jin rai nga yang, Shime mahtang shi a man e gum dagup nhtawm,

Jinghpaw Hanson Version Bible

¹⁸ Hkawhkam wa nta masha ni hpe sharap na hte, shi ra ai hku galaw na matu, wawn langai mi sharap ma ai. Ya Yawdan hka rap tawng ngut jang Gera kasha Shimi gaw hkawhkam a man e dingnyawm dagup nna,

2 SAMUELA 19:18 ပူးပေါင်းရင်းမြစ်များ

2 SAMUELA 19:17

Benyamin amyu bawsang hta na masha hkying mi mung shi hte rau nga nga ma ai. Shawlu a dinghku na shangun ma Ziba mung shi a kasha shi manga hte shangun ma marai hkun hte rau sa wa nna hkawhkam wa a shawng e Yawdan hka de du nga masai.

2 SAMUELA 19:19

“Nye a madu hkawhkam wa e, Yerusalem mare kaw nna nang pru mat wa ai shani e, ngai galaw shut kau ni ai lam ni hpe malap kau ya e. Dai lam ngai hpe hkum deng e. Dai lam hpe galoi mung hkum dum ya e.

2 SAMUELA 19:30

Mehpiboshet chyawm gaw, “Dai yawng Ziba la kau sanu ga; madu hkawhkam dum nta de shim lum ai hte wa lu sai majaw, nye a matu ram la nga sali ai,” ngu nna htan wu ai.

2 SAMUELA 9:10

Nang gaw na a kasha ni hte na a shangun ma ni hte rau na Madu Shawlu a dinghku masha ni a matu yi sun galaw nhtawm nsi naisi shu la nna shanhte a matu lusha wa sak jaw na rai ndai. Rai ti mung Mehpiboshet shi hkum nan chyawm gaw nye a sha ku hta tut nawng e manam hpe zawn ngai daw jau na we ai,” ngu nna tsun wu ai. (Ziba chyawm gaw shadang sha shi manga hte shangun ma hkun lu nga ai.)

2 SAMUELA 9:2

Shawlu a dinghku kata na Ziba mying ai shangun ma langai nga nga ai; dai wa gaw Dawi kaw shang sa na matu tsun da hkrum nga ai. Hkawhkam wa gaw, “Nang Ziba rai nga n ni?,” ngu nna san wu ai. Shaloi shi mung, “Madu e, na a shangun ma wa rai nga nngai,” ngu nna htan wu ai.

1 HKAWHKAM 2:8

“Bai Benyamin mung, Bahurim mare kaw na Gera a kasha Shime mung naw nga nga ai. Yawdan hka kau e shi ngai hpe sa tau la nna Mahanim mare de ngai lung wa ai shani, shi ngai hpe ahkup ahka nga mat hkra matsa kau nga nu ai. Ngai chyawm gaw shi hpe n sat kau na we ai ngu nna dai Madu a mying ningsang hta dagam shaka ai ga sadi ngai shi hpe jaw da nngai.

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

SHAKAWN KUNGDAWN 81:15

Ngai hpe n ju n dawng nga ai ni mahtang nye a man e, hkrit kamyin ai hte dingnyawm wa nna; shanhte hkrum sha na ari mung htani htana rai na mu ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.

1 SAMUELA 22:15

Rai sa, shi a matu Karai Kasang kaw ngai san ai gaw ndai lang, shawng na lang sha n rai sai. Nang hpe gumlau na maw mawn ai lam hte seng nna, nang hkawhkam wa rai ti mung, ngai hpe mung, nye a dinghku masha kadai hpe mung mara shagun lu na ndai n rai. Ndai lam hte seng ai hpa lam hpe mung ngai n chye nngai!,” ngu nna htan wu ai.