2 SAMUELA 19:16 - Jinghpaw Common Language Bible 2009

¹⁶ Dai aten hta nan Bahurim mare e nga ai Benyamin lakung na Gera a shadang sha Shime gaw Hkawhkam Dawi hpe sa tau la na nga, Yawdan hka de tin tin pru sa mat wa wu ai.

Jinghpaw Hanson Version Bible

¹⁶ Shaloi Bahurim mare e nga ai, Ben-yamin lakung, Gera kasha Shimi gaw, Yuda masha ni hte rau hkawhkam Dawi hpe sa tau la na nga, tin tin pru sa wa ai.

2 SAMUELA 19:16 ပူးပေါင်းရင်းမြစ်များ

2 SAMUELA 3:16

Patiela mung Bahurim mare du hkra lam dingyang hkrap let hkan nang wu ai. Rai ti mung Abna gaw shi hpe, “Nta de nhtang wa su,” ngu jang shi nhtang mat wa wu ai.

1 HKAWHKAM 2:8

“Bai Benyamin mung, Bahurim mare kaw na Gera a kasha Shime mung naw nga nga ai. Yawdan hka kau e shi ngai hpe sa tau la nna Mahanim mare de ngai lung wa ai shani, shi ngai hpe ahkup ahka nga mat hkra matsa kau nga nu ai. Ngai chyawm gaw shi hpe n sat kau na we ai ngu nna dai Madu a mying ningsang hta dagam shaka ai ga sadi ngai shi hpe jaw da nngai.

YOBA 2:4

Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

MAHTE 5:25

Marai langai ngai tara rung e nang hpe hka jun a yang gaw, tara rung de garai n du yang aten naw nga ai laman alawan pyaw hkra jahkrum kau u. Dai hku n galaw jang, shi hte tara rung de du ai hte rau hka jun ai wa gaw tara agyi a lata de nang hpe ap kau na ra ai; tara agyi gaw palik ni a lata de bai ap kau nna nang hpe htawng bang da na mara ai.

1 SAMUELA 10:8

Ngai nang hte hkrum nna wan nat hkungga hte mahku hkungga nawng jau ya na ngu ai Gilgala de nye a shawng e nang sa wa na rai ndai. Nang hpang de ngai du nna nang galaw na amu hpe ngai tsun dan ai aten du hkra, dai yang e sanit ya naw la nga u,” ngu nna tsun wu ai.