2 SAMUELA 19:14 - Jinghpaw Common Language Bible 2009

¹⁴ Dawi htet dat ai ga ni gaw Yuda masha ni yawng a sadi dung ai lam, shi hpang de tsep kawp myit kayin la lu wu ai rai nna shanhte mung shi a du salang ni yawng hte rau nhtang wa na matu, shi hpang de shangun dat ma ai.

Jinghpaw Hanson Version Bible

¹⁴ Shing rai Yuda amyu masha yawng hpe lang lata sha, shanhte a myit shi hpang de kayin la wu ai rai nna, shanhte mung, Nang madu a mayam ni yawng hte hpawn, nang hkum nan bai wa rit, ngu nna hkawhkam wa hpe sa woi na shangun dat mu ai.

2 SAMUELA 19:14 ပူးပေါင်းရင်းမြစ်များ

2 SAMUELA 17:25

(Absalom gaw Yoab a shara hta Amasa hpe up hkang du shatai da wu ai. Amasa chyawm gaw Yoab a kanu Zeruia a kanau Nahasha a shayi sha Abigala hte Ishmaela masha Ihtra yan a kasha rai nga ai.)

2 SAMUELA 20:4

Hkawhkam wa gaw Amasa hpe, “Yuda masha ni hpe shaga jahpawng nna hpawt din ni rai jang, shanhte hte rau ndai de bai nhtang sa wa mi,” ngu nna tsun wu ai.

2 SAMUELA 22:44

Nang gaw ngai hpe gumlau masha ni a lata kaw na hkye mawai la nit dai; masha amyu baw ni hpe up hkang na ahkang ngai hpe lajang ya nga ndai. Ngai n chye ai masha ni mung nye a up hkang ai npu hta taw nga ma ai.

2 SAMUELA 3:9

Dawi gaw Shawlu hte shi a amyu matu mara ni a lata na mungdan hpe la kau nhtawm mungdan htum ai shara mi kaw nna maga mi de hkren dam ai Israela hte Yuda mungdan lahkawng yan a hkawhkam tai shangun na lam, dai Madu Dawi hpe ga sadi jaw tawn nu ai. Ya chyawm gaw ndai lam teng wa hkra n shabyin taw gaw, Karai Kasang ngai hpe adup sat kau nu ga law!,” ngu nna jahtau tsun wu ai.

2 SAMUELA 5:1

Dai hpang Israela amyu bawsang ni yawng gaw Hebron mare de Dawi kaw sa nna, “Anhte gaw na a hkum shan, na a asai nan rai nga ga ai.

KASA 4:32

Dai kam sham ai shawa hpawng ting gaw myit mang langai sha rai nga ma ai. Kadai mung tinang lu ai arai hpe nye a n nga ai sha shanhte yawng gaw lu ai arai hpa hpe rai tim shada da jawm garan lang ma ai.

TARA AGYI 20:1

Dingdung maga Dan mare kaw nna dingda maga Berasheba du hkra nga ai Israela amyu masha ni yawng hte, sinpraw hkran Gilead mung na ni mung saw shaga ai ga htan ya ma ai. Shanhte gaw Mizpa mare e hkum langai hku dai Madu a man e zup hpawng ma ai.