2 SAMUELA 19:13 - Jinghpaw Common Language Bible 2009

¹³ Dawi gaw Amasa hpe mung sa tsun dan na matu shan hpe, “Nang gaw nye a amyu hpu nau wa rai nga ndai. Dai re ai majaw ya kaw nna Yoab a shara hta hpyen luksuk a du aya hta ngai nang hpe tawn da nga nngai. Dai hku ngai n shatai lu ai rai yang mung, Karai Kasang gaw ngai hpe si hkra adup nu ga law!,” ngu nna tsun dat wu ai.

Jinghpaw Hanson Version Bible

¹³ Amasa hpe mung, Nang nye nra nye shan rai ndai n rai ni? Nang hpe nye a man e Yoab malai tut tut na jaubu n shatai de yang gaw, dai hta grau nna Karai Kasang ngai hpe deng u ga, nga ai, ngu nna mung, tsun mu, ngu nna htet dat wu ai.

2 SAMUELA 19:13 ပူးပေါင်းရင်းမြစ်များ

NINGPAWT NINGHPANG 29:14

Laban gaw, “Rai sa, nang gaw kaja wa sha nye a ashan hte asai nan rai nga ndai,” ngu nna tsun wu ai. Shing rai Yaku gaw dai yang e shata mi tup nga nga ai.

2 SAMUELA 17:25

(Absalom gaw Yoab a shara hta Amasa hpe up hkang du shatai da wu ai. Amasa chyawm gaw Yoab a kanu Zeruia a kanau Nahasha a shayi sha Abigala hte Ishmaela masha Ihtra yan a kasha rai nga ai.)

2 SAMUELA 18:11

Yoab gaw, “Nang shi hpe mu ndai rai yang, dai shara hta nan shi hpe hpa majaw n sat kau da n ta? Dai rai taw, ngai hkum nan nang hpe gumhpraw lap shi hte shingkyit langai jaw na sade ai wa,” ngu nna htan wu ai.

2 SAMUELA 20:4

Hkawhkam wa gaw Amasa hpe, “Yuda masha ni hpe shaga jahpawng nna hpawt din ni rai jang, shanhte hte rau ndai de bai nhtang sa wa mi,” ngu nna tsun wu ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

2 SAMUELA 5:1

Dai hpang Israela amyu bawsang ni yawng gaw Hebron mare de Dawi kaw sa nna, “Anhte gaw na a hkum shan, na a asai nan rai nga ga ai.

2 SAMUELA 8:16

Kanu Zeruia a kasha Yoab gaw hpyen luksuk up hkang du kaba rai nga ai; Ahiluda a kasha Yehoshahpat gaw labau ka matsing ai ni a hpareng rai nga ai.

1 HKAWHKAM 19:2

Shi gaw Elia hpang de ning ngu shiga shana dat wu ai: “Hpawt de ndai aten e, myihtoi ni hpe nang galaw kau dat nit dai hte maren, nang hpe ngai n galaw ai rai yang, karai ni ngai hpe si hkra adup mi ga law.”

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

RUHTA 1:17

Nang si ai shara hta ngai si na nngai, dai yang e ngai mung makoi mayang hkam na nngai. Nang hte ngai si hka ai sha n rai yang, kaga lam hku nna hka wa ai rai yang mung dai Madu a sawng htum ai ari nye a ntsa de du wa u ga!,” ngu nna htan wu ai.