2 SAMUELA 19:11 - Jinghpaw Common Language Bible 2009

¹¹ Israela amyu masha ni tsun jahta hkat ai shiga, Hkawhkam Dawi kaw du jang, shi gaw hkinjawng Zadok hte Abiahta yan hpe shangun dat nhtawm Yuda ningbaw ni hpe, “Hkawhkam wa hpe hkawhkam htingnu de bai woi la na lam nanhte hpa majaw hpang jahtum e nga nga myit ta?

Jinghpaw Hanson Version Bible

¹¹ Ya hkawhkam Dawi gaw, hkinjawng Zadok yan Abiahta hpang de masha shangun nna, Yuda agyi salang ni hpang de sa nhtawm ning ngu mu: Hkawhkam wa hpe Htingnu de woi la na lam, Israela masha ni yawng bawng ai ga hkawhkam wa na wu ai: nanhte gaw hpa rai hpang hkrat nga myit ta?

2 SAMUELA 19:11 ပူးပေါင်းရင်းမြစ်များ

2 SAMUELA 15:29

Dai rai nna Zadok hte Abiahta yan gaw Ga Shaka Sumpu hpe Yerusalem mare de bai la wa nhtawm dai yang e nga nga ma ai.

2 SAMUELA 18:14

Yoab gaw, “Ngai nang hte aten majoi mi n kam shama kau mayu nngai,” ngu nna tsun wu ai. Shi gaw nri masum la lang nhtawm wamyi hpun npu e noi nga nna naw hkrung nga ai Absalom a sinda kata de galun htinggrang bang dat ya wu ai.

2 SAMUELA 18:15

Dai hpang Yoab a hpyenla marai shi mung Absalom hpang de kahtep sa wa nhtawm shi hpe sat shakre kau da ma ai.

2 SAMUELA 19:10

Anhte a hkawhkam tai u ga ngu, Absalom hpe anhte namman jaw ya saga ti mung, majan pa e sat kau ai hkrum nu ai. Dai rai nna ya mung Hkawhkam Dawi hpe sa woi la na lam marai langai ngai hpa majaw n woi shakut nga myit ni?,” ngu nna shanhte shada da tsun hkat nga ma ai.

2 SAMUELA 19:41

Dai hpang Israela masha mahkra hte gaw hkawhkam wa kaw sa nna shi hpe, “Madu hkawhkam e, anhte a hpu nau Yuda masha ni yawng gaw nang hpe mung, na a dinghku masha ni hpe mung, na a masha ni yawng hpe mung Yawdan hka rap na matu nang hpe lakawn nna asak sin ya na ahkang shanhte hpe hpa majaw jaw n ta?,” ngu nna tsun ma ai.

1 HKAWHKAM 2:35

Hkawhkam wa gaw Yoab a shara hta hpyen luksuk hpe up hkang na matu Benaia hpe mung, Abiahta a shara hta hkinjawng Zadok hpe mung san tawn da wu ai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

2 HTESALONI 3:9

Anhte ning rai galaw ai gaw, anhte hta nanhte kaw na karum madi shadaw ai hpe hpyi na ahkang n nga ai majaw n rai, nanhte hkan sa na matu kasi ningli tai u ga, ngu nna she galaw ga ai.