2 SAMUELA 18:9 - Jinghpaw Common Language Bible 2009

⁹ Absalom mung Dawi a masha ni hte akajawng sha hkrum kadup wu ai. Absalom gaw lawze jawn wu ai rai nna wamyi hpun kaba npu hku lai sa mat wa yang, shi a baw hpun lakung lakying ni hta wa dau mat wu ai. Shaloi lawze gaw gat gumtawng mat wa ai rai nna Absalom mung lapran hpatwat e noi goi wat nga ai.

Jinghpaw Hanson Version Bible

⁹ Absalom mung Dawi a ali ama ni hte hkrum kadup wu ai. Shi gaw shi a lawze hpe jawn wu ai rai nna, dai lawze gaw wamyi hpun kaba langai mi a lakung lakying ni a npu hku gat gale mat wa ai majaw, dai wamyi hpun hta Absalom a baw chyat mat nna, ga de n hkap ai noi goi wat nga ai: lawze gaw shi chyu lai mat wa ai.

2 SAMUELA 18:9 ပူးပေါင်းရင်းမြစ်များ

2 SAMUELA 13:29

Dai rai nna Absalom matsun ai hte maren, shi a shangun ma ni hkan galaw ma ai rai nna Amnon hpe sat kau ma ai. Naw ngam nga ai Dawi a shadang sha ni yawng rawt nhtawm shanhte a lawze ni hta jawn nna hprawng mat wa shajang ma ai.

2 SAMUELA 14:26

Shi a kara grai htat nga ai rai nna dai hpe laning mi hta kalang rep kau wu ai; shi a kara njaw nau wa galu nna li nga ai shaloi shen yu yang hkawhkam hkaw e lang ai joi jang hte maren pawng manga daram li nga ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 SAMUELA 18:10

Shing rai nga ai hpe Dawi a masha langai sa mu ai rai nna shi gaw Yoab hpe, “Madu e, Absalom gaw wamyi hpun hta noi nga ai hpe ngai mu kau da se ai!,” ngu nna tang madun wu ai.

2 SAMUELA 18:14

Yoab gaw, “Ngai nang hte aten majoi mi n kam shama kau mayu nngai,” ngu nna tsun wu ai. Shi gaw nri masum la lang nhtawm wamyi hpun npu e noi nga nna naw hkrung nga ai Absalom a sinda kata de galun htinggrang bang dat ya wu ai.

2 SAMUELA 18:8

Dai gasat gala ai gaw mungdan ting hta byin ai rai nna majan pa e sat kau hkrum ai hta nam maling kata hta si mat ai masha ni mahtang grau law nga ai.

YOBA 31:3

Shi gaw shut ai amu galaw ai ni hpe tsin-yam tsindam hte hten run lam dat dat ya nga ai.

GA SHAGAWP 20:20

Na a nnu yan nwa hpe dagam dala ga tsun ai rai yang, na a asak gaw htat ai nsin hta si mat ai pyengdin wan zawn htum mat na ra ai.

GA SHAGAWP 30:17

Kawa hpe asaw ale nga nna, asak kaba sai kanu a hkang da ai ga hpe asawng asang di kau ai wa kadai hpe rai ti mung, zai ai u hka ni gaw shi a myi hpe achye malawk kau ya nna langda ni mung, shi a mang hpe sha kau ya na ging nga ai.

YEREMIA 48:44

Hkrit kajawng lam kaw na hprawng lawt na matu shakut ai wa kadai mung nhkun ni de di hkrat bang na ra ai, nhkun kata kaw na mahkyit lung wa ai ni kadai mung mahkam ni hta lu na mara ai, hpa majaw nga yang, dai Madu gaw Moba a hten run mat na aten ladaw hpe masat da ya nu ai.

MAHTE 27:5

Shaloi dai gumhpraw hpe Nawku Htingnu hta e shi kabai tawn da nna pru mat wa nhtawm, shi dai shi dau si mat ai.

MARKU 7:10

Hpa majaw nga yang, ‘Na nnu yan nwa hpe hkungga lara di u, kanu kawa hpe matsa ai ga tsun ai wa gaw teng teng si u ga,” nga nna Mawshe hkang da sai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

TARA JAHPRANG 21:23

Karai Kasang kaw na dagam dala, dai mungdan hta hkrum hkra chye nga ai majaw, hpun hta shana tup noi da lu na n rai; dai shani jang lup makoi kau lu na rai myit dai. Dai Madu nanhte a Karai Kasang nanhte hpe jaw ai mungdan hta awu asin n hkrum nga myit ga gaw, si mang lup kau lu na rai myit dai.

TARA JAHPRANG 27:16

“ ‘Kanu kawa hpe n kaw n law di ai wa kadai mung Karai Kasang jaw ai dagam dala hkrum u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

TARA JAHPRANG 27:20

“ ‘Kawa a madu jan ni hte nga sha let, kawa a sari jahpoi ya ai wa kadai mung Karai Kasang jaw ai dagam dala hkrum u ga law.’ Shaloi amyu masha ni yawng gaw, ‘Amen!,’ ngu nna htan na mara ai.