2 SAMUELA 18:32 - Jinghpaw Common Language Bible 2009

³² Hkawhkam wa gaw, “Dai shabrang Absalom gaw shim lum ai hte nga nga a ni?,” ngu nna san wu ai. Mayam la wa mung, “Madu e, nang hta byin lai mat wa sai lam gaw na a gumlau hpyen ni yawng hta mung, nang hpe gumlau ai ni yawng hta mung byin wa sanu ga, ngu nna ngai myit ra sharawng nngai,” ngu nna htan wu ai.

Jinghpaw Hanson Version Bible

³² Shaloi hkawhkam wa gaw dai Hkusha wa hpe, Ngai sha Absalom kaja nga a ni? ngu nna san wu yang, Hkusha wa gaw, Madu hkawhkam wa hpe hpyen nna, nang madu hpe zingri zingrat na nga gumlau rawt ai ni yawng gaw, dai shabrang wa zawn rai nga mu ga law, ngu nna bai htan wu ai.

2 SAMUELA 18:32 ပူးပေါင်းရင်းမြစ်များ

2 SAMUELA 18:21

Dai hpang shi gaw Ehtiopi masha mayam la langai mi hpe, “Nang mu ai hte maren, hkawhkam wa hpe wa tsun dan su,” ngu nna tsun wu ai. Dai mayam wa mung gum dagup nhtawm kagat mat wa wu ai.

2 SAMUELA 18:29

Hkawhkam wa gaw, “Dai shabrang Absalom gaw shim lum ai hte nga nga a ni?,” ngu nna san wu ai. Ahimaza mahtang, “Madu e, na a du Yoab ngai hpe shangun dat ai shaloi kabring kabrawng kaba re ai gaw ngai mu kau da se ai, rai ti mung hpa byin sai gaw ngai n tsun dan lu nngai,” ngu nna htan wu ai.

SHAKAWN KUNGDAWN 109:20

Madu e, dai zawn n hkru n shawp ai lam hte ngai hpe tsun shatan nga ai, nye a gumlau hpyen ni hpe, dai lam hku nna ari jaw u.

Daniela 4:16

Shi gaw sanit ning tup masha a myit rawng wa na ra ai n rai, rai ti mung dusat myit mahtang shi hta rawng wa na ra ai.

Daniela 4:19

Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.

1 SAMUELA 25:26

Na a gumlau hpyen ni hpe sat na hte matai htang mayu nga ai kaw na, dai Madu nang hpe hkum da nga nit dai majaw, na a gumlau hpyen ni hte nang hpe machyi shangun mayu ai ni yawng gaw Nabala zawn ari jaw ai hkrum nga mu ga, ngu nna ahkrung nga ai dai Madu hta ngai dagam da nga nngai.