2 SAMUELA 18:27 - Jinghpaw Common Language Bible 2009

²⁷ Sin langa wa gaw, “Shawng e kagat sa wa ai wa gaw Ahimaza zawn rai nga ai hpe ngai mu lu nngai,” ngu nna tsun wu ai. Hkawhkam wa gaw, “Shi gaw kaja ai masha langai mi rai nga ai majaw shiga kaja gun sa na ra ai,” ngu nna tsun wu ai.

Jinghpaw Hanson Version Bible

²⁷ Bai chyinghka sin ai wa gaw, Shawng na wa a sat gaw, Zadok a kasha Ahima zawn re ai, ngu we ai, ngu nna tsun wu yang, Hkawhkam wa mung, Dai wa masha kaja re ai, ashi kaja gun na ra ai, ngu nna bai tsun wu ai.

2 SAMUELA 18:27 ပူးပေါင်းရင်းမြစ်များ

2 SAMUELA 18:26

Dai hpang sin langa wa gaw kaga langai mi bai shi hkrai kagat sa wa ai hpe mu wu ai rai nna chyinghka sin ai wa hpe, “Yu u, kaga masha langai mi mung kagat wa ra ai law!,” ngu nna jahtau tsun wu ai. Hkawhkam wa chyawm gaw, “Dai wa mung shiga kaja gun sa ai wa she rai nga ai,” ngu nna tsun wu ai.

1 HKAWHKAM 1:42

Ya shi ga tsun ai pyi garai n htum yang, yu u, hkinjawng Abiahta a kasha Yonahtan du sa wa nga ai. Shaloi Adoniya gaw, “Shang wa rit; nang gaw masha kaja rai nga ndai - shiga kaja mung gun sa na rai nga ndai,” ngu nna tsun wu ai.

2 HKAWHKAM 9:20

Ya lang mi mung sin langa wa gaw dai dat kasa wa wora hpung ni de du mat wa tim, bai nhtang wa nga ai n rai. Shi gaw, “Dai masha hpung a ningbaw wa gaw mana bu ai wa zawn shi a leng hpe gau nga ai rai nna Yehu zawn rai nga ai!,” ngu nna tsun wu ai.

GA SHAGAWP 25:13

Kang kahtet ai mam dan ten hta katsi ai ntsin gaw n-gun shabran ya ai zawn, kam ging ai kasa gaw shi hpe shangun dat ai wa a matu, n-gun awai ya nga ai.

GA SHAGAWP 25:25

Sumtsan kaw na na la sai kabu hpa shiga lu la ai gaw, hkun hkraw ai hte hpang gara ai shaloi ntsin katsi gawm mi lu ai zawn rai nga ai.

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

ROMA 10:15

Hkaw tsun na ni hpe n shangun dat yang gaw, shanhte kaning rai hkaw dan lu na ma ta? Dai Chyum Laika hta tsun ai hte maren, “Mai kaja ai lam Kabu Gara Shiga hpe la sa ai ni gaw gade wa mauhpa rai nga malu hka!,”