2 SAMUELA 18:18 - Jinghpaw Common Language Bible 2009

¹⁸ Absalom chyawm gaw shi a prat tup hta shi a mying matut hkrung nga na matu shi hta shadang sha n lu nga sai majaw, Hkawhkam Kadit shara e shi hkum nan a matu masat dingsat shadaw langai hpe gaw da wu ai. Dai rai nna dai hpe shi nan mying shamying da wu ai majaw, dai ni du hkra dai gaw Absalom a masat dingsat ngu nna gumhkawng nga ai.

Jinghpaw Hanson Version Bible

¹⁸ Absalom chyawm gaw, shi naw hkrung nga yang, Nye a amying matut na matu mara n nga ai, nga nna Hkawhkam kadit e nga ai nlung mahtan hpe sharawt jung nna, shi a amying hte shamying da wu ai: dai nlung mahtan hpe mung dai ni du hkra Absalom a masat dingsat, ngu nna shamying da mu ai.

2 SAMUELA 18:18 ပူးပေါင်းရင်းမြစ်များ

NINGPAWT NINGHPANG 11:4

Shanhte gaw, “Lamu dep langchyi hte mare langai mi hpe anhte jawm galaw ga, shaloi anhte a matu amying gumhkawng shangun lu nna ga ntsa ting hta anhte n bra mat na ga ai,” ngu nna tsun ma ai.

NINGPAWT NINGHPANG 11:9

Dai Madu gaw amyu masha ni a ga hpe shanut kau nna mungkan ga ting de shabra kau wu ai majaw, dai mare hpe Babelon ngu nna shamying mu ai.

NINGPAWT NINGHPANG 14:17

Abram gaw Hkedalauma hte kaga hkawhkam ni hpe dang kau nna bai wa ai shaloi, Sodom hkawhkam wa shi hpe sa tau la na nga, Shawe Kadit ngu ai (Hkawhkam Kadit) de pru sa wa wu ai.

2 SAMUELA 14:27

Absalom gaw shadang sha masum hte Tama mying ai grai tsawm htap ai shayi sha langai lu nga ai.

SHAKAWN KUNGDAWN 109:13

Shi a aru arat ni yawng hte mung si mat mu ga; shi a mying hpe hpang ban prat hta n dum shajang mu ga.

SHAKAWN KUNGDAWN 49:11

Shanhte gaw shanhte a lamu ga ni hpe kalang mi madu da yu sai ni rai nga ma ti mung; shanhte a lup sung hku ni gaw shanhte a htani htana dum nta rai nga ma ai; shanhte gaw dai shara hta aten tup rawng nga ma ai.

ESAIA 22:16

“Na hkum nang hpa zawn nawn da wu ni? Nang gaw kawng nhkrem hkan na lunghkrung hta na a matu lup tawk na, kaning re ai ahkaw ahkang lu nga n ni?

YEREMIA 22:30

“Ndai masha gaw shi a kashu kasha shamat kau na matu mung, galoi mung n awng dang ai masha tai na matu mung, ndai masha wa gaw dingnye hkrum nga ai. Shi hta Dawi a hkaw tingnyang matut na Yuda mung hpe up hkang na aru arat ni htum mat na mara ai. Dai Madu ngai nan tsun ni ai.”

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

BU HKAWM 32:42

Noba mung Kenat ginwang hte de a kahtawng ni hpe gasat madu la lu wu ai; shi gaw dai hpe Noba ngu nna shi a mying hkan ai hku bai shamying da wu ai.

1 SAMUELA 15:12

Shi gaw hpang jahpawt manap jau jau aten e Shawlu hpe sa tam na nga pru mat wa wu ai. Shaloi Shawlu mahtang Hkarmela mare de du nna dai shara e shi a matu masat shadaw langai gaw sharawt da wu ai; dai hpang Gilgala de yu mat wa sai lam Samuela na wu ai.