2 SAMUELA 18:17 - Jinghpaw Common Language Bible 2009

¹⁷ Shanhte gaw Absalom a moi mang hpe dai nam maling na sung ai nhkun kaba de kabai jahkrat bang nhtawm, nlung sumpum kaba sumpum let magap da ma ai. Israela masha ni yawng hprawng mat wa nhtawm tinang nang a nta de wa mat wa ma ai.

Jinghpaw Hanson Version Bible

¹⁷ Shanhte Absalom a mang hpe dai maling na nhkun kaba hta jahkrat ban nhtawm, nlung sumpum kaba sumpum da mu ai: Israela masha ni nlang hte mung, tinang nang a nta de hprawng wa ma ai.

2 SAMUELA 18:17 ပူးပေါင်းရင်းမြစ်များ

2 SAMUELA 19:5

Yoab gaw nta de shang sa nhtawm shi hpe, “Na a asak hpe mung, na a shayi shadang sha ni a asak hpe mung, na a madu jan ni hte lashi num ni a asak ni hpe mung hkye ya ai masha ni ngu na na a masha ni hpe dai ni nang shagrit kau nna kaya jahkrum kau nga nit dai.

2 SAMUELA 19:8

Dai hpang hkawhkam wa rawt nna mare chyinghka lam makau e sa dung nga wu ai. Dai yang e shi rai nga sai lam shi a masha ni na ma ai shaloi, shanhte yawng mung shi a grup grup hkan e sa hpawng nga ma ai. Dai aten e, Israela amyu masha ni yawng gaw tinang nang a nta de hprawng mat wa shajang nga ma ai.

2 SAMUELA 19:9

Shanhte gaw mungdan ting hta shada da a lapran e ga li ga law nga nna, “Hkawhkam Dawi gaw anhte hpe gumlau hpyen ni a lata kaw nna hkye la mani ai. Hpilisti masha ni a lata kaw na mung anhte hpe hkye la mani ai, rai ti mung ya chyawm gaw Absalom a majaw mungdan kaw nna hprawng hkawm nga ai.

2 SAMUELA 20:1

Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

2 SAMUELA 20:22

Dai hpang numsha gaw mare masha ni hpang de wa nhtawm shi maw mawn ai lam tsun dan wu ai rai nna, Sheba a baw daw la nhtawm Yoab hpang de bunghku ntsa hku kabai jahkrat ya wu ai. Shaloi Yoab pahtau dum dat let, shi a masha ni dai mare kaw na pru mat wa na kumla madun dat wu ai majaw, tinang nang a nta de wa shajang mat ma ai. Yoab mung Yerusalem mare de hkawhkam wa hpang de bai nhtang mat wa wu ai.

2 HKAWHKAM 14:12

Amazia a hpyen luksuk ni sum mat ma ai rai nna shi a hpyenla ni yawng shanhte a nta ni de hprawng wa shajang nga ma ai.

2 HKAWHKAM 8:21

Dai rai nna Yehoram gaw shi a hpyen leng ni mahkra hte rau Zara mare de rawt sa wa ai; dai yang e, Edom hpyen luksuk ni shanhte hpe wang shinggrup da ma ai. Shana e shi hte shi a hpyen leng ni hpe up hkang ai du ni hte hparan lajang gasat dat mu yang, shanhte hprawng lawt mat wa nna shi a hpyenla ni mung tinang nang a nta de hprawng bra mat wa ma ai.

GA SHAGAWP 10:7

Mai kaja ai masha ni gaw shaman chyeju langai zawn, matsing da ai hkrum nga ma ai; tara n lang ai masha ni chyawm gaw, loi hkring mi rai jang, malap kau ai hkrum na mara ai.

TARA JAHPRANG 21:20

Kanu yan kawa gaw shanhte hpe, ‘An a shadang sha gaw myit ja nna gumlau chye ai hte an a sharin shaga ai ga n madat ai wa rai nga ai; gumhpraw pagawn mi jai shama nna tsa chyaru lu nang ai wa mung rai nga ai,’ ngu nna tsun dan na rai ma ai.

TARA JAHPRANG 21:21

Shaloi mare na lasha nlang shi hpe nlung hte kabai sat kau na rai ma ai. Shing rai dai zawn n hkru n shawp ai amu hpe yeng seng kau na rai myit dai. Shing re ai lam a majaw dai shiga na ai Israela amyu masha shagu hkrit gari nga na mara ai.

YAWSHU 10:27

Jan du jang she, Yawshu hkang dat ai hte maren hpun kaw na jahkrat la nhtawm shanhte makoi nga ai ginlawng hku hta nan kabai bang kau ai hte ginlawng hku hpe nlung kaba hte pat da ma ai. Dai gaw dai yang e dai ni du hkra naw nga nga ai.

YAWSHU 7:26

Shanhte gaw shi a ntsa e nlung sumpum kaba kawng da ya ma ai rai nna dai ni du hkra dai yang e nga nga ai. Dai hkan nna shara dai hpe Tsin-Yam Tsindam Kadit ngu nna naw shamying da ma ai. Dai hpang dai Madu gaw masin kawp mat wu ai.

YAWSHU 8:29

Shi gaw Ai mare a hkawhkam wa hpe shana de du hkra hpun hta noi da wu ai; shana de du wa jang, Yawshu hkang da ai hte maren si mang hpe hpun hta na la shayu nhtawm mare chyinghka lam de shang wa ai chyinghka lam e kabai tawn da nna de a ntsa e nlung sumpum kaba sumpum gawng da mu ai rai nna, dai ni du hkra dai yang e naw nga nga ai.

1 SAMUELA 4:10

Hpilisti masha ni aja awa gasat ma ai rai nna, Israela amyu masha ni hpe dang kau ma ai; shanhte mung tinang dum nta ni de hprawng mat wa ma ai. Dai yang e, ja ja kahtam sat hkat ma ai rai nna, Israela hpyenla mun masum sat kau ai hkrum ma ai.