2 SAMUELA 18:14 - Jinghpaw Common Language Bible 2009

¹⁴ Yoab gaw, “Ngai nang hte aten majoi mi n kam shama kau mayu nngai,” ngu nna tsun wu ai. Shi gaw nri masum la lang nhtawm wamyi hpun npu e noi nga nna naw hkrung nga ai Absalom a sinda kata de galun htinggrang bang dat ya wu ai.

Jinghpaw Hanson Version Bible

¹⁴ Yoab chyawm gaw, Ngai na ga galoi n madat rau ni ai, nga nna tsun let, nri namkyap masum magra lang nna, wamyi hpun npu e naw hkrung nga ai Absalom a masin hpe galun htinggrang ya wu ai.

2 SAMUELA 18:14 ပူးပေါင်းရင်းမြစ်များ

2 SAMUELA 12:10

Ya chyawm gaw nang gaw nye a ga hpe n madat ai hte Uria a madu jan hpe la kau ya nit dai majaw, ban shagu na na a amyu matu nkau mi gaw kashun kashe du daw sai hkaw ai amu hte si mat na mara ai.

2 SAMUELA 14:30

Dai re ai majaw Absalom gaw shi a shangun ma ni hpe, “Yu mu, Yoab a yi gaw ngai hte ani sha rai nga ai; dai yi hta muk-yaw mam tu nga ai; dai ni hpe sa nat kau masu,” ngu nna tsun wu ai. Shanhte mung dai yi sa nat kau ya ma ai.

2 SAMUELA 18:15

Dai hpang Yoab a hpyenla marai shi mung Absalom hpang de kahtep sa wa nhtawm shi hpe sat shakre kau da ma ai.

2 SAMUELA 18:5

Shi gaw Yoab, Abishai hte Itai ni hpe ning ngu nna hkang dat wu ai: “Nye a myi man tau let, shabrang wa Absalom hpe lata hkum du ya mi.” Shing nga nna Dawi gaw shi a du ni hpe hkang dat ai ga hpe hpyen hpung ni yawng na ma ai.

2 SAMUELA 19:1

Hkawhkam Dawi gaw Absalom a majaw hkrap ngu hkrap ngoi let sharung shayawt nga ai lam Yoab hpe tsun dan ma ai.

2 SAMUELA 19:11

Israela amyu masha ni tsun jahta hkat ai shiga, Hkawhkam Dawi kaw du jang, shi gaw hkinjawng Zadok hte Abiahta yan hpe shangun dat nhtawm Yuda ningbaw ni hpe, “Hkawhkam wa hpe hkawhkam htingnu de bai woi la na lam nanhte hpa majaw hpang jahtum e nga nga myit ta?

YOBA 20:5

n hkru ai masha ni kadai mung aten na na n kabu lu ma ai.

SHAKAWN KUNGDAWN 37:35

Tara n lang nna mazut gumshem nga ai wa hpe ngai lang mi chye yu ni ai; shi gaw Lebanon arit hpun zawn masha shagu a ntsa e, ka-up da nu ai;

SHAKAWN KUNGDAWN 45:5

Na a pala ni masen nga ai rai nna, na a gumlau hpyen ni a masin salum ni hpe galun htinggrang ya nga ai. Masha amyu ni mung na a lagaw nhpang e, dingnyawm na mara ai.

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

TARA AGYI 4:21

Sisera mahtang grai ba nna yup pyaw mat wa wu ai shaloi, Yaela gaw sumdu langai hte sum mailak langai mi la nhtawm dai mailak hpe ga de hkrang mat hkra shi a sha galawp kaw n shai hkra kayat jung ya wu ai.

TARA AGYI 5:26

Shi gaw sum mailak hpe lata maga mi hte la nna maga mi hta bungli galaw masha a sumdu lang da nga ai; shi gaw Sisera a baw pungkum hpe adit grawp kau ai hte shi a abaw hkrang hkra dit dinghkren ya wu ai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.