2 SAMUELA 18:11 - Jinghpaw Common Language Bible 2009

¹¹ Yoab gaw, “Nang shi hpe mu ndai rai yang, dai shara hta nan shi hpe hpa majaw n sat kau da n ta? Dai rai taw, ngai hkum nan nang hpe gumhpraw lap shi hte shingkyit langai jaw na sade ai wa,” ngu nna htan wu ai.

Jinghpaw Hanson Version Bible

¹¹ Yoab chyawm gaw, Nang mu ai rai yang, hpa rai shi hpe n galun jahkrat kau da n ta? Dai rai taw, ngai nang hpe gumhpraw lap shi hte shingkyit jaw na sade ai, ngu nna dai wa hpe hkap htan wu ai.

2 SAMUELA 18:11 ပူးပေါင်းရင်းမြစ်များ

2 SAMUELA 18:10

Shing rai nga ai hpe Dawi a masha langai sa mu ai rai nna shi gaw Yoab hpe, “Madu e, Absalom gaw wamyi hpun hta noi nga ai hpe ngai mu kau da se ai!,” ngu nna tang madun wu ai.

2 SAMUELA 18:12

Rai ti mung dai wa mahtang, “Nang ngai hpe gumhpraw lap hkying wa mi jaw ti mung, hkawhkam wa a kasha hpe lata layung hte pyi n hkra gwi nngai. Nang hpe mung Abishai hte Itai yan hpe mung, ‘Nye a myi man tau let, dai shabrang Absalom hpe hkum hkra myit,’ ngu nna hkawhkam wa hkang da ai ga hpe anhte yawng na saga ai.

2 SAMUELA 19:13

Dawi gaw Amasa hpe mung sa tsun dan na matu shan hpe, “Nang gaw nye a amyu hpu nau wa rai nga ndai. Dai re ai majaw ya kaw nna Yoab a shara hta hpyen luksuk a du aya hta ngai nang hpe tawn da nga nngai. Dai hku ngai n shatai lu ai rai yang mung, Karai Kasang gaw ngai hpe si hkra adup nu ga law!,” ngu nna tsun dat wu ai.

SHAKAWN KUNGDAWN 143:3

Nye a gumlau hpyen wa ngai hpe hkan shachyut dep ni ai hte; ngai hpe atsai awai di nna dang kau nu ai. Shi gaw ngai hpe sin mak ai shara hta sharen da ai rai nna, moi na ten hta si mat wa sai ni zawn ngai rai nga nngai.

GA SHAGAWP 1:19

Damya galaw ai wa a asak gaw damya galaw ai amu hta galoi mung sum mat chye nga ai. Dai gaw kashun kashe du daw sai hkaw ai amu hte hkrung nga ai ni hta, hkrum hkra ai lam rai nga ai.