2 SAMUELA 17:8 - Jinghpaw Common Language Bible 2009

⁸ Na nwa Dawi hte shi a masha ni gaw ja ja share shagan ai hte htim gasat ai ni rai nna, tsap kanu gaw shi a kasha ni hpe magra amya ai zawn shanhte rai ma ai. Na a nwa gaw mahkrum madup law sai hpyenla rai nga ai majaw shana e shi a masha ni hte rau hkring nga na wu ai n rai.

Jinghpaw Hanson Version Bible

⁸ nang chye ai hte maren na nwa hte shi a masha ni gaw lapyin rawng ai share hkrai rai ma ai; dai hta ya grau nna, nam e kasha magra ai tsap kanu zawn n-yun bu ai myit rawng nga ma ai; na nwa mung share rai nna, masha ni hte rau n yup ga ai.

2 SAMUELA 17:8 ပူးပေါင်းရင်းမြစ်များ

2 SAMUELA 15:18

Hkawhkam wang na sin langa wa shi a man e lai hkawm nga yang, shi a du salang ni yawng mung shi a makau e tsap nang nga ma ai. Shi kaw hkan nang nga ai Gat mare na hpyenla kru tsa hte mung hkawm lai mat wa ma ai;

2 SAMUELA 17:9

Shi gaw ya e pyi lungpu hku langai mi hta shing n rai kaga shara langai ngai hta makoi gyem yang gyem nga na sai. Dawi gaw na a masha ni hpe htim gasat dat ai shaloi jang dai shiga na ai ni kadai mung na a masha ni sum kadawng mat masai,” nga nna tsun pru wa na mara ai.

2 SAMUELA 23:16

Gumhkawng ai share masum hte gaw Hpilisti dap kata de hpya shang wa nhtawm hka htung ntsin ja wa let Dawi hpe wa jaw ma ai. Rai ti mung shi gaw ntsin dai n lu ai sha, dai Madu hpe hkungga nawng ya let dai hpe ru hkaw kau nhtawm,

2 SAMUELA 23:18

Yoab a kanau Abishai (shan a kanu Zeruia) gaw dai gumhkawng ai share “Sumshi” a ningbaw rai nga ai. Shi gaw masha masum tsa hpe shi a nri hte sat kau lu ai wa re majaw, “Dai Sumshi” hta mying gumhkawng ai wa tai wa sai.

2 HKAWHKAM 2:24

Shi gaw nhtang kayin yu let shanhte hpe mada azi yu nna, dai Madu a mying ningsang hta shanhte hpe dagam kau wu ai. Dai hpang tsap yi lahkawng maling de nna pru wa nhtawm lasha ma mali shi lahkawng hte hpe ashep ashin di amya je da nga ai.

GA SHAGAWP 17:12

Angawk ai magam bungli hpe galaw nga ai masha angawk langai mi hte hkrum na hta, kasha shamat kau ai tsap kanu hte hkrum na gaw grau mai kaja nga ai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

EZEKELA 19:2

Na a nnu gaw kaning re ai hkanghkyi kanu rai a hka! Shi gaw shi a hkalung ni hpe grai matse ai hkanghkyi la ni a lapran e bau kaba nga ai.

Daniela 7:5

Lahkawng ngu na matse labye dusat gaw tsap hte bung nna shi a hpang lagaw ni hte tsap nga ai. Shi a awa lapran hta garep nra masum makrang da nhtawm, “Gai, nang dang lu ai made matut nna ashan sha u!,” ngu ai nsen langai gaw dai hpe tsun nga ai.

HOSEA 13:8

Ngai gaw nanhte hpe kasha shamat kau ai tsap kanu zawn htim gasat nna nanhte hpe gang je mahka kau na nngai. Hkanghkyi zawn htim ai shara hta nan mayu sha kau nhtawm matse labye dusat ni zawn nanhte hpe amya je kau na made ai.

TARA AGYI 18:25

Dan a masha ni mung, “Nang hpa mung n shaga ai nga yang grau kaja na ndai; ndai masha ni masin pawt wa nna nang hpe htim gasat kau na mara ai. Shaloi nang hte na a dinghku masha ting si mat na rai myit dai,” ngu nna tsun ma ai.

1 SAMUELA 16:18

Shi a ali ama langai mi gaw, “Betlehem mare e nga ai Yese hta grai chye dum shapyaw ai madum sumpyi ninghkrin kasha langai mi lu wu ai. Shi gaw magrau grang nna ahpraw asam tsawm ai, gasat gala kung ai hpyenla mung rai nna ga shaga kung ai wa rai nga ai. Dai Madu mung shi hte rau rai nga ai,” ngu nna tsun dan wu ai.

1 SAMUELA 17:50

Dawi gaw nhtu n lawm ai sha lakli hte nlung langai e sha Goliat hpe gasat dang kau nhtawm sat kau wu ai.

1 SAMUELA 23:23

Dai re ai majaw, shi makoi nga ai shara ni hpe tup hkrak sagawn la lu jang mahtang, ngai kaw ading tawk shiga bai wa jaw mi. Shaloi ngai nanhte hte rau pru sa wa nna, dai ginwang hkan shi naw nga ai rai yang, Yuda mung ting ngai hkan sawk nna shi hpe hkan shachyut tam la na nngai,” ngu nna tsun wu ai.