2 SAMUELA 17:3 - Jinghpaw Common Language Bible 2009

³ num nnan gaw shi a madu wa hpang de nhtang wa ai zawn shi a masha ni yawng hpe nang hpang de ngai woi wa ya na de ai. Nang sat kau mayu ai wa langai sha rai nga ai; ngam ai amyu masha ni yawng chyawm gaw shanhte asim sha nga lu na mara ai.

Jinghpaw Hanson Version Bible

³ nang tam ai wa langai mi hpe lu kau jang, gale nlang hte chyawm gaw bai wa nna, mung masha ni yawng asim sha nga na mara ai, ngu nna hpaji daw ya wu ai,

2 SAMUELA 17:3 ပူးပေါင်းရင်းမြစ်များ

2 SAMUELA 17:4

Ndai gaw Absalom hte Israela ningbaw ni yawng a matu htuk manu ai hpaji jaw ga zawn rai nga malu ai.

2 SAMUELA 3:21

Abna gaw Dawi hpe, “Ya ngai sa nna Israela masha ni yawng hpe madu hkawhkam a man de woi shang wa na nngai. Shanhte mung nang hpe hkawhkam zawn hkap la na mara ai; dai hpang nang ra ai lam nang lu la nhtawm, dai mungdan ting hpe up hkang lu na rai ndai,” ngu nna tsun wu ai. Shing rai Dawi mung Abna a shim lam a matu pahkam jaw ya let shi a lam de sa wa shangun wu ai.

ESAIA 48:22

Dai Madu gaw, “Yubak kap ai ni a matu shim lum lam n nga nga ai,” ngu nna tsun ai.

ESAIA 57:21

Yubak kap ai ni a matu shim ai shara n nga nga ai,” ngu nna dai Madu tsun ai.

YEREMIA 6:14

Masha yawng hte wa n hkam kaja nga yang, ‘Yawng hkra hkam kaja nga ga ai,’ nga nna shanhte tsun let, nye a amyu masha ni a nma ni gaw mahkyit agret kau ai zawn chyu sha rai nga ai ngu, shanhte myit nawn la ma ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!