2 SAMUELA 17:24 - Jinghpaw Common Language Bible 2009

²⁴ Dawi gaw Mahanim mare de du mat wa ai aten hta Absalom hte Israela masha ni mung Yawdan hka rap kawt mat wa ma ai.

Jinghpaw Hanson Version Bible

²⁴ Shaloi Dawi gaw Mahana-im de du ai. Absalom hte shi kaw hkan nang ai Israela masha ni nlang Yawdan hka rap ma ai.

2 SAMUELA 17:24 ပူးပေါင်းရင်းမြစ်များ

NINGPAWT NINGHPANG 32:10

Na a shangun ma wa, ngai gaw nang madun dan sai matsan dum ai chyeju hte sadi sahka lam mahkra hte n ging n dan la nga nngai. Nye a dawhkrawng langai mi hte sha, ndai Yawdan hka hpe rap di nngai; ya chyawm gaw ndai hpung lahkawng hte ngai nhtang wa ni ai.

NINGPAWT NINGHPANG 32:2

Dai ni hpe shi mu ai shaloi, “Ndai gaw Karai Kasang a dabang rai nga ai,” ngu nna shi tsun wu ai. Shing rai dai shara hpe ngu nna shamying wu ai.

2 SAMUELA 2:8

Nera a kasha, Shawlu a luksuk na up hkang du Abna gaw Shawlu a kasha Ishboshet hte rau Yawdan hka rap nna Mahanim mare de hprawng mat wa ma ai.

Shawlumon A Mahkawn Ga 6:13

Shulam numsha e, ka manawt u, ka manawt u. Nang ka manawt ai hpe anhte mu lu u ga. Nanhte gaw masha ni jawm yu nga ai ka-ang e ngai ka manawt ai hpe hpa majaw yu mayu myit ta?

YAWSHU 13:26

Amon mung chyen mi, Heshbon kaw nna Ramat Mizpa hte Betonim du hkra, Mahanim kaw nna Lodeba jarit du hkra rai nga ai.