2 SAMUELA 17:23 - Jinghpaw Common Language Bible 2009

²³ Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

Jinghpaw Hanson Version Bible

²³ Ahihtohpela chyawm gaw, shi daw ya ai hpaji hku n hkan ai mu jang, shi a lawze byau nna, shi nga ai mare, shi a nta de wa nhtawm, dinghku amu hpajang da ngut jang, shi dai dau si mat ai; shi kawa lup hta e, shi hpe makoi mayang di mu ai.

2 SAMUELA 17:23 ပူးပေါင်းရင်းမြစ်များ

2 SAMUELA 15:12

Absalom gaw Hkawhkam Dawi a hpaji jaw ni hta na langai rai nga ai Ahihtohpela mahtang Gilo mare e shagu hkungga ni hpe nawng jau nga yang, shaga la wu ai. Hkawhkam wa hpe gumlau maw mawn ai gaw n-gun ja wa nna Absalom a hpang hkan ai ni grau grau law jat wa ma ai.

2 SAMUELA 15:31

Ahihtohpela mahtang Absalom a gumlau hpung hte matut mat sai shiga Dawi na jang, shi gaw, “Madu e, chyeju hte Ahihtohpela a hpaji daw ya ai lam hpe angawk kau ya u!,” ngu nna hpyi wu ai.

2 SAMUELA 16:23

Dai prat e, Ahihtohpela jaw ai hpaji ga hpa mung Karai Kasang a ga san san rai nga ai ngu nna hkap la nga ma ai majaw, Dawi hte Absalom yan mung hkan nang nga ma ai.

2 SAMUELA 17:22

Dai rai nna Dawi hte shi a masha ni Yawdan hka wora hkran de rap ma ai rai nna nhtoi htoi jang shanhte yawng rap kawt mat lu ma ai.

1 HKAWHKAM 16:18

Dai mare hkrat mat ai hpe Zimri mu jang, hkawhkam htingnu a kata hpyen dap de shang sa nhtawm dai hkawhkam htingnu hpe nat kau ai hte shi mung dai wan shinglet hta galip si mat wu ai.

2 HKAWHKAM 20:1

Dai aten hte yang, Hkawhkam Hezekia gaw machyi hkrum ai hte ganoi noi si mat hkra rai nga wu ai. Amot a kasha Esaia gaw shi hpe sa hkrum nna, “Nang gaw bai kaja wa sana n rai sai majaw lam shagu hpe kup kup tsup tsup lajang tawn nhtawm si na matu jin jin di da u, nga nna dai Madu nang hpe tsun nga ai,” ngu nna shi hpe tsun wu ai.

YOBA 31:3

Shi gaw shut ai amu galaw ai ni hpe tsin-yam tsindam hte hten run lam dat dat ya nga ai.

SHAKAWN KUNGDAWN 109:20

Madu e, dai zawn n hkru n shawp ai lam hte ngai hpe tsun shatan nga ai, nye a gumlau hpyen ni hpe, dai lam hku nna ari jaw u.

SHAKAWN KUNGDAWN 5:10

Karai Kasang e, shanhte hpe daw dan nna ari jaw u: shanhte a maw mawn ai n hkru ai lam hta Shanhte nan hten za mat mu ga. Shanhte a law la ai yubak mara ni hte shanhte nang hpe gumlau nga ma ai majaw, shanhte hpe na a man kaw nna gawt kau u.

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

GA SHAGAWP 19:3

Masha nkau mi shanhte hkum nan a angawk angak ai amu ni a majaw, jahten sharun la nga ma ai; shaloi, dai Madu hpe mara shagun nga ai.

ESAIA 38:1

Dai aten hte yang, Hkawhkam Hezekia gaw machyi hkrum ai rai nna ganoi si mat hkra rai nga wu ai. Amot a kasha myihtoi Esaia gaw shi hpe sa hkrum nna, “Nang gaw bai hkam kaja wa na n rai sai majaw lam shagu kup kup tsup tsup lajang tawn nhtawm, si na matu jin jin di da u, nga nna dai Madu nang hpe tsun nga ai,” ngu nna tsun wu ai.

MAHTE 27:5

Shaloi dai gumhpraw hpe Nawku Htingnu hta e shi kabai tawn da nna pru mat wa nhtawm, shi dai shi dau si mat ai.