2 SAMUELA 17:22 - Jinghpaw Common Language Bible 2009

²² Dai rai nna Dawi hte shi a masha ni Yawdan hka wora hkran de rap ma ai rai nna nhtoi htoi jang shanhte yawng rap kawt mat lu ma ai.

Jinghpaw Hanson Version Bible

²² Shaloi Dawi hte rau, shi kaw hkan nang ai ni nlang rawt nna, Yawdan hka rap ma ai: nhtoi htoi jang Yawdan hka hpe n rap lu ai langai mi mung n ngam sai.

2 SAMUELA 17:22 ပူးပေါင်းရင်းမြစ်များ

2 SAMUELA 17:21

Shanhte pru mat wa jang, Ahimaza hte Yonahtan yan mung hka htung kata na pru wa nhtawm Hkawhkam Dawi hpang de sa wa nna byin ai lam tang madun ma ai. Shan gaw Ahihtohpela kaning rai maw mawn lajang ai lam shi hpe tsun dan nhtawm, “Alawan rawt nna hka wora hkran de rap mat wa na lam,” tsun dan ma ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 SAMUELA 17:24

Dawi gaw Mahanim mare de du mat wa ai aten hta Absalom hte Israela masha ni mung Yawdan hka rap kawt mat wa ma ai.

SHAKAWN KUNGDAWN 42:6

Ngai gaw ndai yang e, bawng dung hkrum nga yang nye a myit grai kaji la nga li ai; shing rai, shi gaw yawn hkyen hpa langai hpang langai hpe hka leng ni zawn nye a wenyi a ntsa e hprwi di ya ni ai; jahten shaza ai wa gaw mawru hka zawn nye a man e wu kadu nga ai; dai gaw hka rum ni Hermon bum hte Miza bum kaw nna Yawdan hka de mu ngoi ai zawn wu kadu hkrat wa ai nsen hte bung nga ai.

GA SHAGAWP 27:12

Htauli htaula myit rawng ai masha ni gaw du wa na ruyak jam jau lam hpe tau chye nna, dai hpe koi kau lu ti mung; nyan tang ai wa chyawm gaw dai de lup rai shang mat wa nna hpang e she shut dum nga ai.

BU HKAWM 31:49

“Madu e, anhte up hkang ai npu na hpyenla ni hpe hti yu ga yang, langai mi mung n mat nga ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

YAWHAN 18:9

(Ning nga nna tsun ai gaw, “Wa e, nang ngai e jaw ai ni hta na langai mi hpe mung n shamat kau nngai,” nga nna shawng de tsun ga ai ga dik wa na matu rai nga ai.)