2 SAMUELA 17:13 - Jinghpaw Common Language Bible 2009

¹³ Shi rai nna mare kata langai mi de htingnut shang mat wa ai rai yang, anhte a amyu masha ni yawng sumri ni la sa nhtawm dai mare hpe hkaraw de gang jahkrat kau na ga ai. Dai yang na kawng pungding e nlung langai sha pyi ngam tawn da na n rai,” ngu nna htan wu ai.

Jinghpaw Hanson Version Bible

¹³ Mare langai ngai de shang ai rai yang mung, Israela masha ni yawng dai mare de sumri la sa nna, lungdin langai mi muk n ngam hkra, mare dai hpe hkaraw de karawt jahkrat kau na rai nga ga ai, ngu nna Absalom hpe hpaji daw ya wu ai.

2 SAMUELA 17:13 ပူးပေါင်းရင်းမြစ်များ

2 SAMUELA 17:14

Absalom hte Israela masha ni yawng gaw, “Hushai a hpaji jaw ai ga mahtang Ahihtohpela jaw ai ga hta grau kaja nga ai,” ngu nna tsun ma ai. Dai gaw Ahihtohpela a kaja ai hpaji jaw ga hta n hkan mat wa lu hkra, Absalom a ntsa ru yak tsin-yam tsindam shapraw dat ai dai Madu a daw dan hpajang ai lam rai nga ai.

MIHKA 1:6

Dai rai nna dai Madu gaw, “Samari mare hpe asan sha jahten sharun sumpum tawn nna sabyi sun galaw ai shara shatai kau na nngai. Dai mare a nlung wut daw chyen ni hpe kadit de sharu kau nhtawm mare a npawt nhpang nlung ni hpe akrin sha shadawng da na nngai.

MAHTE 24:2

Shi mahtang shanhte hpe, “Rai sa, ndai nta ni yawng hte hpe nanhte mada mu ai n rai ni? Ngai nanhte hpe teng teng tsun made ga, ndai nta ni gaw, nlung langai mi gaw langai mi a ntsa e n mara mat ai du hkra hten run mat na mara ai,” ngu nna shanhte hpe tsun mu ai.