2 SAMUELA 17:12 - Jinghpaw Common Language Bible 2009

¹² Dawi shi kanang e rai nga ai hpe anhte mu tam jang, hpa byin nga ai lam shi garai n chye lu yang, shi hpe gasat na rai nga ga ai; shaloi shi mung shi a masha ni kadai mung hkrung nga lu na ma ai n rai.

Jinghpaw Hanson Version Bible

¹² Shing rai na nwa hpe shara langai ngai hta katut jang, ga ntsa e mari hkrat ai zawn, anhte shi a ntsa e galup nna shi hte shi a masha ni langai mi muk n lawt hkra di na rai nga ai.

2 SAMUELA 17:12 ပူးပေါင်းရင်းမြစ်များ

1 HKAWHKAM 20:10

Benhadad kaw nna nhtang wa mu ai: “Ndai na a mare hpe jahten sharun kau nna shanhte a lata ni hte wut shingyun ni hpe hpai mat wa lu hkra law ram ai masha ni hpe ngai woi sa wa na nngai. Dai zawn ngai n galaw lu ai rai yang karai ni ngai hpe si hkra adup mi ga law!”

2 HKAWHKAM 18:23

Hkawseng wa a mying gang let, ngai nang hte manu dara na nngai; gumra jawn masha law law nang mu tam ai rai yang nang hpe ngai gumra hkying lahkawng jaw na de ai!

2 HKAWHKAM 19:24

Nang gaw tsasam mung e hka htung ni hpe htu nna lu lu nit dai; na a hpyen la ni a lagaw hte Nila hka hpe kabye jahkraw kau nga ai hpe nang shakawng dan nga ndai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

OBEDIA 1:3

Na gumrawng gumtawng ai myit gaw nang hpe hkalem kau nga sai. Na a mare daju gaw ngang ai lunghkrung hta gap da ai hpyen dap rai nga ai; na a dum nta gaw bum ni hta tsaw nga ai, dai rai nna nang gaw na a kraw kata e, ‘Kadai wa ngai hpe gang kadang lu na i?,’ nga nna tsun nga ndai.

MIHKA 5:7

Naw hkrung nga ai Israela amyu masha ni gaw masha amyu baw law law a matu dai Madu kaw na hkrat ai n-gun awai la shangun ai numri hte tu kaba wa ai hkai bawng ntsa e htu ai marang zawn tai na mara ai. Shanhte gaw masha hpe n rai, Karai Kasang hpe kam hpa wa na mara ai.

1 SAMUELA 23:23

Dai re ai majaw, shi makoi nga ai shara ni hpe tup hkrak sagawn la lu jang mahtang, ngai kaw ading tawk shiga bai wa jaw mi. Shaloi ngai nanhte hte rau pru sa wa nna, dai ginwang hkan shi naw nga ai rai yang, Yuda mung ting ngai hkan sawk nna shi hpe hkan shachyut tam la na nngai,” ngu nna tsun wu ai.