2 SAMUELA 17:11 - Jinghpaw Common Language Bible 2009

¹¹ Ngai hpaji jaw mayu ai lam gaw panglai hkin-gau ntsa e taw ai zaibru daram law htam nga nna mungdan jahtum shara mi kaw nna shara mi de du hkra nga nga ai Israela masha ni yawng hpe woi nhtawm majan pa de nang nan shanhte hpe woi awn sa wa su.

Jinghpaw Hanson Version Bible

¹¹ Dai re ai majaw ngai hpaji daw ya de ga: Dan mare kaw nna Berasheba mare du hkra, Israela masha nlang hpe, nammukdara makau na zaibru daram na a man e jahpawng la nna, nang hkum nan langang sa u.

2 SAMUELA 17:11 ပူးပေါင်းရင်းမြစ်များ

NINGPAWT NINGHPANG 13:16

Na a amyu matu mara ni hpe ngai shalaw jahtam na nngai; kadai mung shanhte yawng hpe dang hti lu na mara ai n rai; dai gaw ga ntsa e taw ai ga nhpu ni hpe n dang hti ai zawn law htam na mara ai.

NINGPAWT NINGHPANG 21:14

Hpang jahpawt manap jau jau aten hta, Abraham gaw Hagara hpe lusha loi mi hte shanhpyi htingpa hta lu hka ntsin hpring hkra bang nna kasha hte rau dat dat wu ai. Dai hpang ma hpe mung shi a shingma ntsa hta shaba dat ya nhtawm dat dat wu ai. Shi pru mat wa nhtawm Berasheba nam mali hkan kayin hkawm nga ai.

NINGPAWT NINGHPANG 22:17

Na a amyu matu ni hpe mung lamu na shagan ni shing n rai panglai zaibru ni zawn ngai nang hpe jaw na nngai. Na amyu matu ni mung shanhte a gumlau hpyen ni hpe dang kau lu na mara ai.

2 SAMUELA 12:28

Ya gaw naw ngam nga ai hpyenla ni hpe shinggyin la nhtawm htim gasat nna nang nan dai hpe madu la sanu. Dai mare hpe ngai bai gasat la ai majaw arawng sadang n kam la mayu nngai.”

2 SAMUELA 24:2

Dai re ai majaw Dawi gaw shi a hpyen luksuk hpe up hkang ai Yoab hpe ning ngu hkang dat wu ai: “Na a du salang ni hte rau mungdan a jahtum jut shara mi kaw nna kaga shara mi de du hkra nga ai Israela amyu bawsang ni yawng hpang de sa wa nhtawm amyu masha ni hpe hti yu su. Dai hkan e gade wa law nga ma ai hpe ngai chye mayu nngai.”

1 HKAWHKAM 20:10

Benhadad kaw nna nhtang wa mu ai: “Ndai na a mare hpe jahten sharun kau nna shanhte a lata ni hte wut shingyun ni hpe hpai mat wa lu hkra law ram ai masha ni hpe ngai woi sa wa na nngai. Dai zawn ngai n galaw lu ai rai yang karai ni ngai hpe si hkra adup mi ga law!”

1 HKAWHKAM 4:20

Yuda hte Israela amyu masha ni gaw panglai hkin-gau ntsa e taw ai zaibru zawn law htam wa nga ma ai rai nna, shanhte gaw kabu gara ai hte lu lu sha sha rai ma ai.

SHAKAWN KUNGDAWN 9:16

Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.

YAWSHU 11:4

Shanhte gaw panglai hkin-gau na zaibru zawn law la ai luksuk kaba ni hte mung, gumra hte hpyen leng law law hte mung pru sa wa ma ai.

TARA AGYI 20:1

Dingdung maga Dan mare kaw nna dingda maga Berasheba du hkra nga ai Israela amyu masha ni yawng hte, sinpraw hkran Gilead mung na ni mung saw shaga ai ga htan ya ma ai. Shanhte gaw Mizpa mare e hkum langai hku dai Madu a man e zup hpawng ma ai.

1 SAMUELA 13:5

Hpilisti masha ni mung Israela ni hpe htim gasat na matu zup hpawng ma ai; shanhte hta hpyen leng mun masum, gumra jawn ai masha hkying kru hte panglai hkin-gau hkan na zaibru zawn law ai hpyenla ni nga nga ai. Shanhte gaw Betawen a sinpraw maga Mikmasha de sa wa nhtawm dai yang e dap jung ma ai.

1 SAMUELA 3:20

Dai rai nna, Samuela gaw teng teng dai Madu a myihtoi rai nga ai hpe mungdan a jahtum shara mi kaw nna kaga shara mi de du hkra nga nga ai Israela amyu masha ni yawng chye ma ai.