2 SAMUELA 17:10 - Jinghpaw Common Language Bible 2009

¹⁰ Na nwa gaw hpyen majan hta share shagan ai hpyenla kaba rai nga ai, shi a hpyenla ni mung ja ja htim gasat ai ni rai nga ma ai hpe Israela amyu masha shagu chye da nga ma ai majaw hkanghkyi ni zawn hkrit myit n rawng ai share shagan htum ai masha ni pyi hkrit nga ma ai.

Jinghpaw Hanson Version Bible

¹⁰ Shaloi hkanghkyi masin zawn nden ja ai myit rawng ai ni pyi minla byaw mat na mara ai; kaning rai nme law, na nwa nden ja ai share rai nga ai mung, shi kaw na masha ni yawng, nden ja ai wa-ngan hkrai rai nga ai mung, shi kaw na masha ni yawng, nden ja ai wa-ngan hkrai rai nga ai mung, Israela masha ni nlang chye ma ai.

2 SAMUELA 17:10 ပူးပေါင်းရင်းမြစ်များ

NINGPAWT NINGHPANG 49:9

Yuda gaw nam shan hpe kawa sat nna shi a lungpu de nhtang wa nhtawm Galeng gumkan nga ai hkanghkyi hte bung nga ai. Kadai mung shi hpe shatu gwi na n rai.

2 SAMUELA 1:23

“Shawlu hte Yonahtan grai mau na zawn hkrung nga dingsa tsaw ra nja; si wa ai mung ndaw nhka, galang ni hta grau laram, hkanghkyi ni hta grau ningtsam rawng nga ai.

2 SAMUELA 17:9

Shi gaw ya e pyi lungpu hku langai mi hta shing n rai kaga shara langai ngai hta makoi gyem yang gyem nga na sai. Dawi gaw na a masha ni hpe htim gasat dat ai shaloi jang dai shiga na ai ni kadai mung na a masha ni sum kadawng mat masai,” nga nna tsun pru wa na mara ai.

2 SAMUELA 23:20

Kabazela mare kaw na Yehoiada a kasha Benaia gaw kaga gumhkawng ai hpyenla langai mi rai nga ai; shi gaw magrau grang ai amu law law galaw nu ai, dai hta galu kaba ai Moba hpyenla lahkawng hpe mung sat kau wu ai. Lang mi mung hkyen htat ai shani e nhkun kata de shang nna hkanghkyi langai sat kau wu ai.

SHAKAWN KUNGDAWN 89:19

Kalang mi na shingran langai mi hta, na a kangka ai shangun ma kaja ni hpe nang tsun ai gaw, “Gumhkawng ai hpyenla langai mi hpe ngai shadaw karum yu se ai; amyu masha ni kaw na langai mi hpe ngai lata la nna hkawhkam tingnyang ap ya se ai.

PRU MAT 15:15

Edom ningbaw ni hkrit tsang nga ma ai; Moba a chyalai n-gun rawng ai masha ni mung hkrit gari nga ma ai; Hkanan masha ni nden n ja mat manu ai.

GA SHAGAWP 28:1

Tara n lang ai ni gaw shanhte hpe shachyut ai ni kadai n nga ti mung, hprawng nga ma ai; rai ti mung ding hpring ai wa chyawm gaw hkanghkyi zawn nden ja nga ai.

Shawlumon A Mahkawn Ga 3:7

Shawlumon du sa wa nga ai, shi a tingnyang ntsa e dung nga ai; Israela na kaja htum ai hpyenla kru shi gaw sin langa tai ya nga ma ai.

ESAIA 13:7

Masha shagu a lata ni kya gumba mat na mara ai, masha shagu a nden marai n rawng mat na ra ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

EZEKELA 21:15

Dai gaw nye a amyu masha ni a nden marai hpe shamak kau ya nna ahtu kataw shangun nga ai. Ngai gaw shanhte a mare hpe myihprap wan zawn gala ai nhtu hte jahkrit shama nna sat sharu kau na matu jin jin rai nga na nngai.

TARA JAHPRANG 1:28

Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,’ nga nna tsun dan let shada da aput myit dai.

HEBRE 11:34

Ja la ai wan nsa ni hpe sat kau lu ma ai. Masha ni a nhtu nshan kaw na mung hprawng lawt lu ma ai. Shanhte n-gun kya ai rai ti mung, n-gun shaja ya ai lu la ma ai majaw majan pa e magrau grang lu ma ai hte masha tsasam ni a hpyen hpung ni hpe dang kau lu ma ai.

1 SAMUELA 16:18

Shi a ali ama langai mi gaw, “Betlehem mare e nga ai Yese hta grai chye dum shapyaw ai madum sumpyi ninghkrin kasha langai mi lu wu ai. Shi gaw magrau grang nna ahpraw asam tsawm ai, gasat gala kung ai hpyenla mung rai nna ga shaga kung ai wa rai nga ai. Dai Madu mung shi hte rau rai nga ai,” ngu nna tsun dan wu ai.

1 SAMUELA 18:17

Shawlu gaw Dawi hpe, “Nang e nye a shayi sha kaba Merab nga nga ai. Nang gaw nye a matu magrau grang ai hte sadi dung let dai Madu a majan ni hta shang gasat ai rai yang, ngai gaw shi hpe na a madu jan shatai na matu jaw ya na de ai,” ngu nna tsun wu ai. (Shawlu chyawm gaw ndai hku nna shi hkum nan n hkra ai sha, Hpilisti masha ni Dawi hpe sat kau mu ga, nga nna myit ai lam rai nga wu ai.)