2 SAMUELA 17:1 - Jinghpaw Common Language Bible 2009

¹ Shing rai byin ai hpang gade n na yang, Ahihtohpela gaw Absalom hpe, “Masha mun mi hkying lahkawng hpe ngai lata la n-ga, Dawi a hpang de dai ni jang ngai hkan shachyut na we ai.

Jinghpaw Hanson Version Bible

¹ Dai hta kaga Ahihtopela gaw Absalom hpe, Ngai masha mun me hkying lahkawng san lu n ga; shing rai ngai rawt nna dai na e pyi Dawi hpe hkan shachyut ni ga:

2 SAMUELA 17:1 ပူးပေါင်းရင်းမြစ်များ

2 SAMUELA 16:23

Dai prat e, Ahihtohpela jaw ai hpaji ga hpa mung Karai Kasang a ga san san rai nga ai ngu nna hkap la nga ma ai majaw, Dawi hte Absalom yan mung hkan nang nga ma ai.

2 SAMUELA 17:2

Shi ba kalawp let gawng kya nga yang, shi hpe ngai htim gasat dat na we ai. Shaloi shi rawt kajawng mat wa nna shi a masha ni mung hprawng htaw mat wa na mara ai. Shaloi hkawhkam wa hpe chyu sha ngai sat kau nna,

SHAKAWN KUNGDAWN 4:8

Ngai kaleng taw ai shaloi, ngwi pyaw ai hte ngai yup lu nga nngai; O Madu e nang chyu sha ngai hpe hkum hkum tsup tsup shim ai shara hta tawn da nga ndai.

GA SHAGAWP 1:16

Shanhte gaw n hkru n shawp ai amu galaw na hpe shanhte n dawt nga ma ai; shanhte gaw masha sat na matu, tut nawng e, jin jin rai ma ai.

GA SHAGAWP 4:16

N hkru n shawp ai masha ni gaw shut hpyit ai amu lama mi hpe n lu galaw yang, shanhte n lu yup nga ma ai; marai langai ngai hpe n machyi shangun lu yang, shanhte yup n pyaw nga ma ai.