2 SAMUELA 16:8 - Jinghpaw Common Language Bible 2009

⁸ Nang gaw Shawlu a mungdan hpe kashun la nga ndai; ya chyawm gaw dai Madu mung Shawlu a dinghku na masha law law hpe sat kau ai amu a majaw nang hpe ari jaw nga sai. Nang gaw hten run mat nna masha sat ai wa rai nga ndai majaw dai Madu gaw na a kasha Absalom hpe mungdan ap kau nu ai!,” ngu nna tsun wu ai.

Jinghpaw Hanson Version Bible

⁸ Shawlu a mungdan kashun la nna, shi a amyu matu ni hpe sat kau ai yubak nlang hte gaw, na ntsa e Yehowa nhtang dat ya nna, na a mungdan hpe na nsha Absalom a lata hta ap kau nu ai: hkrum sha u, nang masha sat ai wa rai nna she, matai dawp ai hkrum nga ndai,” ngu wu ai.

2 SAMUELA 16:8 ပူးပေါင်းရင်းမြစ်များ

2 SAMUELA 1:16

Dawi gaw dai Amalek masha wa hpe, “Ndai amu nang nan galaw shapraw dat nga ndai. Dai Madu gaw hkawhkam galaw na matu lata san da sai wa hpe nang sat kau sai lam yin la nit dai majaw nang hkum nan daw dan ai hkrum nga nit dai,” ngu nna tsun wu ai.

2 SAMUELA 19:19

“Nye a madu hkawhkam wa e, Yerusalem mare kaw nna nang pru mat wa ai shani e, ngai galaw shut kau ni ai lam ni hpe malap kau ya e. Dai lam ngai hpe hkum deng e. Dai lam hpe galoi mung hkum dum ya e.

2 SAMUELA 19:21

Zeruia a kasha Abishai mahtang ning ngu nna tsun wu ai: “Shime gaw dai Madu lata san da sai hkawhkam wa hpe matsa kau nga ai majaw si lu na rai wu ai.”

2 SAMUELA 21:1

Dawi up hkang nga ai laman, masum ning tup laja lana re ai hkuwa byin wa sai. Dai rai nna Dawi gaw dai hte seng nna dai Madu hpe san yu wu ai shaloi, dai Madu gaw, “Shawlu hte shi a dinghku masha ni masha sat ai amu shut kau ai mara lu nga ma ai. Shi gaw Gibeon masha ni hpe sat kau nu ai,” ngu nna tsun wu ai.

2 SAMUELA 21:9

Dawi gaw shanhte hpe Gibeon masha ni a lata de ap ya wu ai rai nna shanhte mung bum ntsa dai Madu a man e noi da ma ai; shanhte marai sanit hte yawng rau sha si mat ma ai. Shanhte hpe sat ai shani gaw muk-yaw mam dan hpang ai shani ngu na ginhtawng ta a hpang daw na aten hta ang nga ai.

1 HKAWHKAM 2:8

“Bai Benyamin mung, Bahurim mare kaw na Gera a kasha Shime mung naw nga nga ai. Yawdan hka kau e shi ngai hpe sa tau la nna Mahanim mare de ngai lung wa ai shani, shi ngai hpe ahkup ahka nga mat hkra matsa kau nga nu ai. Ngai chyawm gaw shi hpe n sat kau na we ai ngu nna dai Madu a mying ningsang hta dagam shaka ai ga sadi ngai shi hpe jaw da nngai.

SHAKAWN KUNGDAWN 3:2

“Karai Kasang gaw shi hpe karum la na ra ai n rai,” nga nna, shanhte gaw nye a lam hpe tsun nga ma ai.

SHAKAWN KUNGDAWN 4:2

Amyu masha ni ngai hpe galoi du hkra n kaw n law di na myit ni? Akyu n rawng ai lam hpe nanhte tsaw ra nga nna, shut hpyit ai lam de galoi du hkra hkan nang na ngu myit ni?

SHAKAWN KUNGDAWN 55:3

Nye a gumlau hpyen ni a jahkrit shama ai a jaw e, ngai hkrit gari nga nngai; tara n lang ai ni a dip gamyet sha ai hta ngai agrawp ayai ai hkrum nga nngai. Shanhte gaw ngai hpe sharu shatsang nga ma ai; shanhte ngai hpe masin pawt let n ju n dawng nga ma ai.

GA SHAGAWP 26:2

Dagam dala ga ni gaw nang dai hpe gingdan ai sha n rai yang, nang hpe n hkra lu nga ai. Dai gaw galoi mung n dung ai sha pyen hkawm ai ntsa malen u ni zawn rai ma ai.

SHINGRAN 16:6

Shanhte gaw Karai Kasang a masha ni hte myihtoi ni a asai hkaw kau ma ai majaw, nang shanhte hpe asai bai lu shangun mu ai. Dai gaw shanhte hta hkrum ging ai hpe hkrum sha ai lam rai nga ai,” nga nna tsun ai hpe ngai na nngai.

TARA AGYI 9:24

Gidon a kasha sanit shi hpe sat kau na matu Abimelek hpe Shehkem masha ni n-gun jaw ai majaw ndai lam byin sai. Shing re ai ru hka amu a mara hpe hkam la na rai ma ai.