2 SAMUELA 16:5 - Jinghpaw Common Language Bible 2009

⁵ Hkawhkam Dawi gaw Bahurim mare de du jang, Shawlu a ru sai langai rai nga ai Gera a kasha Shime gaw shi hpe sa hkrum na nga pru sa wa ai. Shi gaw Dawi hpe matsa let sa wa nga ai.

Jinghpaw Hanson Version Bible

⁵ Dawi hkawhkam gaw Bahurim mare du yang, Shawlu a kahpu kanau ni hta na, Gera a kasha Shimi ngu ai wa langai mi, matsa let pru sa wa ai.

2 SAMUELA 16:5 ပူးပေါင်းရင်းမြစ်များ

2 SAMUELA 16:14

Hkawhkam wa hte shi a masha ni yawng Yawdan de du yang, shanhte hki ba mat ma ai majaw shanhte dai yang hkring sa la nga ma ai.

2 SAMUELA 16:4

Hkawhkam wa gaw Ziba hpe, “Mehpiboshet madu da ai arai shagu gaw na a rai nga lit dai,” ngu nna tsun wu ai. Ziba chyawm gaw, “Ngai gaw na a shangun ma she rai nga nngai. Dai rai nna nye a hkawhkam hpe ngai tut nawng awng sharawng nga n-ga law,” ngu nna tsun htang wu ai.

2 SAMUELA 16:6

Dawi gaw shi a masha ni hte shi a hkum hpe makawp maga ya ai sin langa ni hte gumbawm da wu ti mung Shime mahtang Dawi hte shi a du salang ni hpe nlung hte hkan kabai wu ai.

2 SAMUELA 17:18

Rai ti mung lani mi na aten hta, ma langai mi mahtang shan hta hkrum hkra ai lam hpe mu kau dat wu ai rai nna, Absalom hpe tsun dan kau wu ai. Dai re ai majaw Bahurim mare na masha langai mi a nta hta makoi nga na nga, shan tin tin sa mat wa nhtawm shi a nta makau na hka htung kata de shang makoi mat ma ai.

2 SAMUELA 3:16

Patiela mung Bahurim mare du hkra lam dingyang hkrap let hkan nang wu ai. Rai ti mung Abna gaw shi hpe, “Nta de nhtang wa su,” ngu jang shi nhtang mat wa wu ai.

ESHTA 2:5

Dai Susa mare hta e Yaira a kasha Mordehkai mying ai Yuda masha langai nga nga ai; Shi gaw Benyamin amyu bawsang hta na Kisha hte Shime a amyu matu langai mi rai nga ai.

YOBA 30:11

Karai Kasang gaw ngai hpe n-gun shakya shangun nna matsan mayan hkrum shangun wu ai majaw, shanhte gaw ngai hpe sinpawt lahtet hte nhtang ninghkap ma ai.

SHAKAWN KUNGDAWN 102:8

Nye a gumlau hpyen ni ngai hpe shani tup asawng nga ma ai; ngai hpe asawng asang re ai ni nye a mying hpe gang nna dagam dala ga tsun nga ma ai.

SHAKAWN KUNGDAWN 109:28

Shanhte gaw ngai hpe dagam nga ma ti mung, nang ngai hpe shaman ya na rin dai; ngai hpe zingri zingrat di ai ni sum mat mu ga, na a shangun ma ngai chyawm gaw kabu gara lu n ga.

SHAKAWN KUNGDAWN 69:26

Shanhte gaw nang e ari jaw tawn da hkrum ai ni hpe zingri zingrat di nga ma ai; nang nma shakap da hkrum ai ni a nni nkri lam ni hpe shanhte shatan nga ma ai.

PRU MAT 22:27

hpa majaw nga yang, shi a hkum shalum na ntsa palawng gaw dai chyu sha rai nga wu ai. Dai sha n-ga, shi kaning rai lu yup na rai nga a ta? Ngai kaw shi karum hpyi ai shaloi, ngai nan matsan dum nga nngai majaw shi hpe htan ya na nngai.

PRU MAT 22:28

“Karai Kasang hpe n sawn n sang hkum rai et; na a amyu masha ni hta na ningbaw wa hpe hkum matsa et.

GA SHAGAWP 26:2

Dagam dala ga ni gaw nang dai hpe gingdan ai sha n rai yang, nang hpe n hkra lu nga ai. Dai gaw galoi mung n dung ai sha pyen hkawm ai ntsa malen u ni zawn rai ma ai.

HPAJI NINGLI 10:20

Hkawhkam wa hpe kraw kata e pyi hkum dagam et; na a yup gawk kata hta pyi sut su ai ni hpe hkum dagam et. Ntsa malen u gaw nang hpa tsun ai shiga gun mat wa nna shanhte hpe tsun dan chye nga ai.

ESAIA 8:21

Amyu masha ni gaw myit daw myit hten ai hte kawsi hkrum let, dai mungdan hkan lai hkawm wa na mara ai. Shanhte a kawsi ai hte myit kahtet ai hta, shanhte gaw shanhte a hkawhkam hte shanhte a Karai Kasang hpe dagam kau na mara ai. Shanhte gaw lamu de mada,

1 SAMUELA 17:43

Shi gaw Dawi hpe, “Dai dawhkrawng gaw hpa baw a matu rai lit ni? Ngai hpe gwi zawn nawn da nu ni?,” ngu nna tsun wu ai. Shi gaw shi a hpara mying gang let Dawi hpe dagam wu ai.