2 SAMUELA 16:3 - Jinghpaw Common Language Bible 2009

³ Hkawhkam wa gaw shi hpe, “Ataw, na a madu Shawlu a kashu Mehpiboshet kanang e nga nga a ta?,” ngu nna san wu ai. Ziba chyawm gaw, “Shi a kaji Shawlu a mungdan shi hpe Israela masha ni bai jaw ya na mara ai ngu, shi myit hkawn nga ai majaw Yerusalem mare e nga nga ai,” ngu nna htan wu ai.

Jinghpaw Hanson Version Bible

³ Bai hkawhkam wa gaw, “Taw, na madu a kasha gaw kanang nga a ta?” ngu nna san wu yang, Ziba mung, “Yerusalem e nga nga ta sai; shi gaw, Dai ni chyawm gaw Israela masha ni ngai wa a mungdan ngai e bai ap na ma ni ai, nga ai,” ngu nna tsun dan wu ai.

2 SAMUELA 16:3 ပူးပေါင်းရင်းမြစ်များ

2 SAMUELA 16:4

Hkawhkam wa gaw Ziba hpe, “Mehpiboshet madu da ai arai shagu gaw na a rai nga lit dai,” ngu nna tsun wu ai. Ziba chyawm gaw, “Ngai gaw na a shangun ma she rai nga nngai. Dai rai nna nye a hkawhkam hpe ngai tut nawng awng sharawng nga n-ga law,” ngu nna tsun htang wu ai.

SHAKAWN KUNGDAWN 101:5

Langai ngai a n kaja ai lam ni hpe kahte tsun ai wa kadai hpe rai tim, ngai shaden kau na we ai. Gumrawng gumtawng ai hte myit tsaw myit dap rawng ai wa hpe ngai hkam sharang na nngai n rai.

SHAKAWN KUNGDAWN 15:3

kaga masha ni hpe shatan nhkan ga n tsun nga ai. Shi gaw shi a manang ni hpe shut hpyit ai amu hpa mung n galaw ai hte, shi a htingbu ni a lam shiga n shapoi ya nga ai.

SHAKAWN KUNGDAWN 88:18

Nang gaw nye a ni dik ai manang ni hpe kau da shangun nit dai; sin htat ai nsin chyu sha nye a manang rai nga sali ai.

PRU MAT 20:16

“Kadai hpe mung n teng n man ai hku mara hkum shagun et.

GA SHAGAWP 1:19

Damya galaw ai wa a asak gaw damya galaw ai amu hta galoi mung sum mat chye nga ai. Dai gaw kashun kashe du daw sai hkaw ai amu hte hkrung nga ai ni hta, hkrum hkra ai lam rai nga ai.

GA SHAGAWP 21:28

Masu magaw ai wa a sakse ga hpe kadai n kam nga ai. Lam shagu hpe hkrang hkrang myit shapraw ai wa a ga hpe chyawm gaw hkap la lu nga ai.

MIHKA 7:5

Na a htingbu ni hpe hkum kam myit; na a manang wa hpe hkum kamhpa myit; na a madu jan shing n rai madu wa a man e pyi nang hpa tsun shaga na lam sadi maja nga u.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.