2 SAMUELA 16:22 - Jinghpaw Common Language Bible 2009

²² Dai rai nna shanhte gaw Absalom a matu hkawhkam htingnu numgaw ntsa e sum galaw ya ma ai; Absalom chyawm gaw masha shagu a man hku shang mat wa nhtawm shi kawa a lashi num ni hte kanawn wu ai.

Jinghpaw Hanson Version Bible

²² Dai hte maren dai htingnu ntsa e shanhte Absalom a matu sum gap nna, shi gaw Israela masha ni nlang hte a man e kawn a lashi num ni hpe shang madu wu ai.

2 SAMUELA 16:22 ပူးပေါင်းရင်းမြစ်များ

NINGPAWT NINGHPANG 35:22

Yaku dai mung hta nga nga yang, Rubin mahtang shi kawa a lashi num Bila kaw shang nna kanawn kau wu ai; dai lam hpe Yaku na wu ai rai nna sindawng kahtet wu ai. Yaku hta shadang sha ni shi lahkawng nga ma ai.

2 SAMUELA 11:2

Lani mi na shana de maga chyahkring mi myet nga nna yup la ai hpang, Dawi rawt wa nhtawm shi a hkawhkam hkaw numgaw de sa wa wu ai. Dai yang e shi kayin hkawm wu yang, yu u, numsha langai mi shi a nta e hka shin nga ai hpe mu dat wu ai. Dai numsha chyawm gaw ahpraw asam mung grai tsawm nga ai.

2 SAMUELA 15:16

Shaloi hkawhkam htingnu sin na matu lashi num shi hte hpe tawn da ai hta kaga, shi a dinghku masha ni hte du salang ni yawng hkawhkam wa kaw hkan nang nna pru mat wa shajang ma ai.

2 SAMUELA 20:3

Dawi gaw Yerusalem mare na shi a hkawhkam hkaw de bai du wa jang, dai hkawhkam htingnu sin na matu shi shangun tawn da ai lashi num shi woi la nna shanhte hpe rawng da nhtawm bau tawn wu ai. Shanhte hta ra kadawn nga ai lam ni hpe karum ya wu ti mung, shanhte hte n kanawn ai sha nga nga wu ai. Dai rai nna shanhte gaw gaida jan ni zawn naw ngam nga ai shanhte a asak hkrun lam tup dai zawn sharen da ai hkrum nga ma ai.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

YEREMIA 3:3

Shing re ai lam ni a majaw, marang n htu mat ai hte ginhtawng nnan shang wa yang na marang mahpawng n htu mat nga ai. Nang gaw shawa num langai zawn sha rai nga ndai; nang hta kaya kahpa myit hpa mung n rawng nga ndai.

YEREMIA 8:12

Nye a amyu masha ni e, nang galaw ai matsat shabat amu ni a majaw, nang kaya nga n ni? N rai law, nang gaw dik hkra n chye kaya nga ndai; kaning rai kaya hkrum myi man sum rai na pyi, nang n chye nga ndai! Nang gaw kaga masha ni kataw ai zawn kataw mat na rai ndai; ngai nang hpe ari jaw ai shaloi dai gaw na a matu jahtum rai na ra ai. Dai Madu ngai nan tsun ni ai.

EZEKELA 24:7

Mare kata e masha sat hkat ai lam nga nga ai, rai ti mung, asai hpe ga nhpu hte magap da lu ai shara hta ru hkaw kau ai n rai. Dai hpe krin ai lunghkrung ntsa e ru jahkaw da ma ai.

BU HKAWM 25:6

Israela masha langai mi Mawshe a man hte dai Madu a hpung shingkang shanu nga ai Sum Chyinghka lam hta hkrap sharung nga ai shawa hpung ting a man e, Midian numsha langai mi hpe shi a sum de woi shang wa wu ai.

HPILIPI 3:19

Dai ni gaw ngarai hta shanhte a lam htum na mara ai; hpa majaw nga yang dai ni a karai gaw shanhte a akan ngu ai hkum shan a marin marit ai lam tai nga ai. Shanhte gaw kaya kahpa lam hta gumrawng shara shatai ma ai hte ndai dinghta ga na arai hpe hkrai sha myit tsang nga ma ai.