2 SAMUELA 16:21 - Jinghpaw Common Language Bible 2009

²¹ Ahihtohpela gaw, “Hkawhkam htingnu sin na matu na nwa tawn da ai lashi num ni hte sa kanawn su; shing rai jang na nwa nang hpe shi a gumlau hpyen zawn yu nna, na a hpang hkan ai ni mung myit nden kaba wa na mara ai gaw, dai Israela masha shagu chye wa na mara ai,” ngu nna htan wu ai.

Jinghpaw Hanson Version Bible

²¹ Ahihtohpela mung, “Htingnu sin na matu na nwa tawn da ai lashi num ni hpe shang madu u; shaloi na nwa nang hpe n dawng na lam, Israela amyu masha ni nlang chye jang, nang hpang maga nga ai ni nlang hte masin kaba na mara ai,” ngu wu ai.

2 SAMUELA 16:21 ပူးပေါင်းရင်းမြစ်များ

NINGPAWT NINGHPANG 34:30

Yaku gaw Simun yan Lewi hpe, “Nan gaw ngai hpe ru yak tsin-yam tsindam la wa ya manit dai. Ya chyawm gaw Hkanani hte Hperizi masha ni hte mungdan hta shanu nga ai masha shagu hte gaw ngai hpe n dawng na mara ai. Ngai hta masha n law nga ai majaw shanhte yawng rau jawm zup nna ngai hpe htim gasat ai rai yang, anhte a dinghku ting shamyit kau ai hkrum na raga ai,” ngu nna tsun wu ai.

NINGPAWT NINGHPANG 35:22

Yaku dai mung hta nga nga yang, Rubin mahtang shi kawa a lashi num Bila kaw shang nna kanawn kau wu ai; dai lam hpe Yaku na wu ai rai nna sindawng kahtet wu ai. Yaku hta shadang sha ni shi lahkawng nga ma ai.

NINGPAWT NINGHPANG 38:16

Yuda gaw lam a wora maga mi de lai sa nhtawm, “Rai sa, nang hpe jahpu kade daram jaw ra na ta?,” ngu nna tsun wu ai. (Shi gaw shi a kanam rai nga wu ai hpe n chye nga ai.) Dai num mahtang, “Nang ngai hpe hpa jaw na n ta?,” ngu nna tsun wu ai.

NINGPAWT NINGHPANG 6:4

Dai prat e mung, dai prat a hpang e mung, dai shinggyim numsha ni hte Karai Kasang a shadang sha ni a aru arat ni gaw ginding aga ntsa e grai galu kaba ai ni rai ma ai. Shanhte gaw moi prat kaw nna magrau grang ai share ninghkrin ni hte kajai gumhkawng ai masha ni rai ma ai.

2 SAMUELA 10:6

Amon masha ni gaw Dawi hpe shanhte a gumlau hpyen shatai kau nga masai hpe dum hprang wa ma yang, Berehoba hte Zoba mare na Suri hpyenla mun lahkawng, Toba mare na mun mi hkying lahkawng hte Mahka hkawhkam kaw na masha hkying mi saw la nga ma ai.

2 SAMUELA 12:11

Ngai gaw na a dinghku kaw na masha langai mi nang hpe ru yak tsin-yam tsindam tam jaw na lam shapraw dat na we ai gaw nang hpe dagam shaka nga nngai. Na a lata kaw nna na a madu jan ni hpe ngai la kau ya nhtawm kaga masha wa a lata de jaw kau na hpe mung nang mu lu na rin dai; shi gaw shani chyingtung e nan pyi na a madu jan ni hte nga sha dan na ra ai.

2 SAMUELA 13:5

Yonadab mahtang shi hpe, “Yup ku ntsa e taw nga nna, machyi masu dan u. Shing rai na nwa nang hpe sa gawan yu jang, shi hpe, ‘Chyeju hte nye a kajan Tama hpe ngai kaw sa nna galaw daw shangun e law. Ngai shi hpe mu lu na ndai shara hta nan shi hpe lusha hkyen shangun mayu nngai; dai hpang shi hkum nan ngai hpe shachyip lajang jaw ru ga,’” ngu nna tsun wu ai.

2 SAMUELA 15:16

Shaloi hkawhkam htingnu sin na matu lashi num shi hte hpe tawn da ai hta kaga, shi a dinghku masha ni hte du salang ni yawng hkawhkam wa kaw hkan nang nna pru mat wa shajang ma ai.

2 SAMUELA 16:20

Dai sha n-ga, Absalom gaw Ahihtohpela hpang de kayin wa nhtawm, “Ya chyawm gaw anhte nang e rai nga saga ai; anhte hpa galaw na lam, hpaji jaw la yu e,” ngu nna tsun wu ai.

2 SAMUELA 17:7

Hushai gaw, “Ndai lang Ahihtohpela nang hpe hpaji jaw ai lam n kaja nga ai.

2 SAMUELA 2:7

N-gun shaja nna share shagan nga mu! Nanhte a Hkawhkam Shawlu si mat sai majaw Yuda masha ni ngai hpe namman jaw ya nhtawm hkawhkam aya dang da nga ma ai.”

2 SAMUELA 20:3

Dawi gaw Yerusalem mare na shi a hkawhkam hkaw de bai du wa jang, dai hkawhkam htingnu sin na matu shi shangun tawn da ai lashi num shi woi la nna shanhte hpe rawng da nhtawm bau tawn wu ai. Shanhte hta ra kadawn nga ai lam ni hpe karum ya wu ti mung, shanhte hte n kanawn ai sha nga nga wu ai. Dai rai nna shanhte gaw gaida jan ni zawn naw ngam nga ai shanhte a asak hkrun lam tup dai zawn sharen da ai hkrum nga ma ai.

1 HKAWHKAM 11:25

Shi gaw Shawlumon a prat e Israela a gumlau hpyen tai nga ai wa rai nga ai.

1 HKAWHKAM 2:17

Shi gaw, “Nye a madu jan tai ya na dai Shunem numsha Abishaga hpe nye a matu rai u ga; chyeju hte hkawhkam wa hpe san ya e-nang san ai ga hpe shi n ningdang kau na gaw ngai chye nga nngai,” ngu nna htan wu ai.

1 HKAWHKAM 2:22

Hkawhkam wa gaw, “Abishaga hpe jaw sha na lam, nang hpa majaw ngai hpe san n ta? Dai gaw magam tingnyang shi hpe ap ya na matu san ai lam sha rai nga ai; chyahtum chyalai tsun ga nga yang, shi gaw ngai hpu wa nan rai nga ai; hkinjawng Abiahta hte Yoab yan gaw shi a maga de nga ai yan rai nga ma ai!,” ngu nna tsun wu ai.

JAW JAU 18:8

Tinang a kawa a madu jan hte kanawn nna nwa a sari hkum jahpoi ya et.

JAW JAU 20:11

Tinang kawa a madu jan hte nga sha ai wa gaw kawa hpe sari jahpoi ya nga ai rai nna shan lahkawng sat kau ai hkrum na rai ma ai. Shan gaw si hkrung si htan a matu lit lu nga ma ai.

ZEHKARIA 8:13

Yuda hte Israela amyu masha ni e! Lai sai aprat e, maigan masha ni langai hte langai ning ngu tsun let dagam lai wa masai: ‘Nanhte a ntsa e hkrat bun ai tsin-yam tsindam nan Yuda hte Israela a ntsa e mung hkrat bun u ga law! Rai ti mung, ngai nanhte hpe hkye hkrang la na nngai, shaloi dai maigan masha ni langai hte langai gaw, ‘Yuda hte Israela ntsa e jaw ai shaman chyeju nan nanhte hkam la lu myit ga law!,’ nga nna tsun na mara ai. Dai re ai majaw nden marai shaja mu; hkum hkrit nga myit.”

1 KORINHTU 5:1

Ya Hkristan n re ai maigan masha ni pyi n hkan galaw ai hkrithpa num la nse nsa lam nanhte hta nga nga ai lam masha ni hkrak tsun kajai nga ma ai hpe ngai na lu nngai. Masha langai mi gaw shi a hpang kanu hte rau nga sha nga ai lam ngai na lu nngai.

1 SAMUELA 13:4

Shawlu gaw Hpilisti dap up wa hpe sat kau nu ai lam hpe mung, Hpilisti masha ni shanhte hpe n ju nga ai lam mung, Israela masha ni yawng na ma ai. Dai rai nna Gilgala e Shawlu hte matut mahkai let zup hpawng ga nga, amyu masha ni htan dat ma ai.

1 SAMUELA 27:12

Rai ti mung, Ahkisha mung Dawi hpe kam ai rai nna shi gaw, “Dawi gaw shi a Israela amyu masha majing ni a majaw grai n dawng ai hkrum sha nga sai rai nna, shi a prat tup ngai hpe sha daw jau na rai sanu ai,” ngu nna shi a kraw hta tsun nga ai.