2 SAMUELA 16:2 - Jinghpaw Common Language Bible 2009

² Hkawhkam Dawi gaw shi hpe, “Dai arai ni yawng hpe hpa galaw na ngu n ta?,” ngu nna hkap san wu ai. Ziba chyawm gaw, “Ndai lawze lahkawng gaw madu hkawhkam a dinghku masha ni jawn na matu, muk hte namsi gaw masha sha na matu; sabyi ntsin gaw nam mali kata e shanhte hki ba jang lu na matu rai nga ai,” ngu nna htan wu ai.

Jinghpaw Hanson Version Bible

² Shaloi hkawhkam wa gaw Ziba hpe, “Hpa di na ngu nna arai dai ni la sa n ta?” ngu nna san wu yang, Ziba gaw, “Lawze yan gaw, hkawhkam a masha ni jawn na matu; muk hte namsi gaw ali ama ni sha na matu; tsabyi jahku mung, nam hkan e hki ba ai ni lu na matu rai nga ai,” ngu nna htan wu ai.

2 SAMUELA 16:2 ပူးပေါင်းရင်းမြစ်များ

NINGPAWT NINGHPANG 21:29

Abimelek gaw shi hpe, “Nang hpa majaw dai zawn galaw n ta?,” ngu nna san wu ai.

NINGPAWT NINGHPANG 33:8

Esaw mahtang, “Ngai hkrum kau dat ai kaga hpung ni gaw kaning re ai ni rai nga ma ta? Dai gaw kaning re ai lachyum rai nga a ta?,” ngu nna san wu yang, Yaku gaw, “Dai gaw na a man e myi man pa lu na matu rai nga li ai,” ngu nna htan wu ai.

2 SAMUELA 15:1

Dai hpang Absalom gaw shi a matu leng langai hte gumra ni hpe lajang tawn nhtawm shi a shawng e gat na masha marai manga shi san tawn da wu ai.

2 SAMUELA 15:23

Dawi kaw hkan nang ai masha ni pru mat wa ma yang, amyu masha ni ja ja jahtau hkrap nga ma ai. Hkawhkam wa gaw Kidron hka shi rap jang shi a masha ni mung hkan rap nang nna shanhte rau sha nam mali maga de hkawm shang mat wa ma ai.

2 SAMUELA 19:26

Shi gaw, “Madu hkawhkam e, nang chye ai hte maren, ngai gaw lagaw hten ai wa rai nga nngai; nang hte rau jawn sa wa lu n-ga, ngu nna lawze hking byau na matu nye a shangun ma wa hpe pyi tsun se ai; rai ti mung shi mahtang ngai hpe gumle gumlau galaw nna hkalem kau wu ai.

EZEKELA 37:18

Na a amyu masha ni nang hpe de a lachyum kaning ngu a ni?, nga nna san yang,

TARA AGYI 10:4

Shi gaw shadang sha sumshi lu ai rai nna, dai ni lawze sumshi jawn ma ai. Gilead mung hta mare sumshi lu ma ai majaw dai ni du hkra Yaira a kahtawng ni ngu nna shamying da nga ma ai.

TARA AGYI 5:10

Lawze hpraw jawn ai ni, gumra lahkum ni hta dung ai ni hte, shara shagu hkan hkawm ai ni e, de a lam tsun dan mu.

1 SAMUELA 14:28

Rai ti mung, masha langai mi gaw, “Anhte yawng kawsi hpang gara hkrum nna n-gun kya nga saga ai, rai ti mung na nwa mahtang anhte hpe, ‘Dai ni na nhtoi hta, lusha sha ai wa kadai mung dagam dala hkrum u ga,’ ngu mi ai,” ngu nna tsun ma ai.

1 SAMUELA 25:27

Madu e, chyeju hte na a matu ngai la sa ya ai ndai kumhpa ni hpe hkap la ya e; ndai ni na a masha ni hpe jaw u.