2 SAMUELA 16:10 - Jinghpaw Common Language Bible 2009

¹⁰ Hkawhkam wa gaw Abishai hte shi a kahpu Yoab yan hpe, “Ndai gaw nan a bungli n rai nga ai: dai Madu shi hpe tsun shangun nga ai majaw shi ngai hpe matsa ai rai jang mung, shi shing nga ai hpe kadai wa san lu na ahkang lu nga a ta?,” ngu nna tsun wu ai.

Jinghpaw Hanson Version Bible

¹⁰ Hkawhkam wa chyawm gaw, “Zeruia kasha ni e, nanhte hte hpa seng a ta? Matsa nga u ga. Dawi hpe matsa su, ngu nna Yehowa shangun dat nu ai; dai rai nna nang hpa majaw shing rai n ta? nga nna kadai gawn lu a ta?” ngu wu ai.

2 SAMUELA 16:10 ပူးပေါင်းရင်းမြစ်များ

NINGPAWT NINGHPANG 50:20

Nanhte ngai hpe n hkru ai hku gaw maw manit dai; rai ti mung byin lai wa sai lam ni a majaw dai ni du hkra masha law law a asak hpe jahkrung ya na matu Karai Kasang dai hpe mai kaja ai lam hku galaw nu ai.

2 SAMUELA 19:22

Rai ti mung Dawi gaw Abishai hte shi a kahpu Yoab yan hpe, “Nan a myit nshat hpe kadai san yu a ta? Nan gaw ngai hpe ru yak shoichyum ai lam jaw na ngu myit ni? Ngai gaw Israela a hkawhkam wa rai nga nngai majaw dai ni e, Israela masha ni kadai mung sat kau hkrum lu na ma ai n rai,” ngu nna tsun wu ai.

2 SAMUELA 19:23

Dai rai nna shi gaw Shime hpe, “Nang si lu na n rai nga ndai,” ngu nna nye a ga hte nang hpe dagam se ai.

2 SAMUELA 3:39

Ngai gaw Karai Kasang e lata san da sai hkawhkam rai nga tim pyi, dai ni ngai gawng kya nga nngai. Ndai Zeruia a kasha ni gaw nye a matu nau wa ja la nga masai. Ndai ru hka amu galaw shapraw ai majaw shanhte hkam la ging ai hte maren dai Madu ari jaw ya u ga law!,” ngu nna tsun wu ai.

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

1 HKAWHKAM 2:5

“Dai hta kaga lama mi naw nga nga ai, dai gaw Israela a hpyen luksuk ni hpe up hkang ai du lahkawng ngu na Nera a kasha Abna hte Yehtera a kasha Amasa yan hpe sat kau nna Yoab ngai hpe galaw ai lam nang dum na ndai. Bai majan byin ai aten hta shanhte galaw shapraw dat ai si hkrung si htan amu a matu ngwi pyaw simsa ai aten hta matai dawp nna shan hpe shi kaning rai sat kau ai hpe mung adum nga u. Shi gaw mara n kap ai masha ni hpe sat kau nu ai rai nna shi galaw ai amu a matu ngai hta lit lu nga nngai a majaw dai mara a nni nkri hpe ngai hkam sha nga nngai.

2 HKAWHKAM 18:25

Dai Madu a karum la lam n nga ai sha, na a mungdan hpe ngai shang gasat nna dai hpe ngai jahten sharun kau na re ngu, nang myit nawn da wu ni? Dai Madu shi nan dai mungdan hpe htim gasat nhtawm jahten sharun kau na matu ngai hpe tsun da ni ai,” ngu nna tsun wu ai.

YOBA 9:12

Shi ra ai arai hpe shi la nga ai, kadai mung shi hpe jahkring lu ai n rai; Kadai mung shi hpe, “Nang hpa galaw nga n ta?,” ngu nna san gwi nga ai n rai.

SHAKAWN KUNGDAWN 39:9

Nang ngai hpe ndai zawn re ai nni nkri hpe jahkrum ai wa rai nga ndai majaw, ngai ga hkaw mi mung n tsun ai sha, zim rai nga na nngai.

HPAJI NINGLI 8:4

Hkawhkam wa gaw daru magam ahkang aya hte galaw ai rai nna shi galaw ai amu hpe kadai mung dakat lu ai n rai.

SHARUNG SHAYAWT 3:37

Dai Madu a myit chyu sha hpa lam hpe rai tim tut nawng shabyin ya lu nga ai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

MAHTE 16:23

Yesu mahtang kayin nna Petru hpe, “Satan e, ngai kaw na sit mat wa u! Nang myit ai lam gaw, Karai Kasang kaw na n rai, masha kaw na sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

MAHTE 8:29

Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

YAWHAN 18:11

Yesu gaw, “Na a nhtu dai hpe n ga hta shawn bang kau u! Nye Wa ngai hpe jaw ai nni nkri ngu ai gawm hpe ngai n lu na re ngu nna nang myit da wu ni?,” ngu nna Petru hpe tsun wu ai.

ROMA 9:20

Jinghku wa e, nang gaw kadai wa mi rai nna Karai Kasang hpe dai hku htan lu n ta? Ga dibu langai mi gaw galaw da ai wa hpe, “Hpa majaw nang ngai hpe ning di galaw da n ta?,” ngu nna san na a ni?

1 PETRU 2:23

Shi roi asawng hkrum ai shaloi, shi bai roi asawng htang ai n rai; shi nni nkri hkam ai shaloi shi jahkrit sharim ai lam n galaw ai sha teng man ai tara agyi Karai Kasang a lata hta shi a myit mada ai lam ni ap da nu ai.

1 SAMUELA 26:19

Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.