2 SAMUELA 16:1 - Jinghpaw Common Language Bible 2009

¹ Dawi gaw kawng pungding de loi mi sit sa wu yang, Mehpiboshet a shangun ma Ziba hte daw htaw sai lawze lahkawng hta muk tawng lahkawng tsa, sabyi si sumbaw latsa, kaja ai namsi sumbaw latsa, hte sabyi ntsin hpring hkra rawng ai shanhpyi tingsan langai htaw sa wa ai hte akajawng sha hkrum wu ai.

Jinghpaw Hanson Version Bible

¹ Ya Dawi gaw bum pungding wora hpyin loi mi lai jang, Mehpiboshet a mayam Ziba gaw, hking mawn sai lawze lahkawng hte, muk tawng ni tsa, tsabyi si sumbaw latsa, maihpang si dik apye latsa, tsabyi jahku shanhpyi tingsan mi lawze hta htaw nna, hkap tau la sa wa ai.

2 SAMUELA 16:1 ပူးပေါင်းရင်းမြစ်များ

2 SAMUELA 15:30

Dawi mung yawn hkyen ai kumla hte shi a baw htinggrum nna kyepdin raw kau nhtawm hkrap let, Tsanlun Bum de lung wa wu ai. Shi a hpang hkan ai masha ni yawng mung shanhte a baw ni htinggrum nhtawm hkrap let shi kaw hkan nang nga ma ai.

2 SAMUELA 15:32

Dawi gaw kawng pungding na nawku shara langai de du jang, Arhki shara na shi a kam ging ai manang Hushai mung shi a hpun palawng ni gang je kau nhtawm baw hta ga nhpu hte bun la let shi hpe sa hkrum wu ai.

2 SAMUELA 19:17

Benyamin amyu bawsang hta na masha hkying mi mung shi hte rau nga nga ma ai. Shawlu a dinghku na shangun ma Ziba mung shi a kasha shi manga hte shangun ma marai hkun hte rau sa wa nna hkawhkam wa a shawng e Yawdan hka de du nga masai.

2 SAMUELA 19:32

Barazilai chyawm gaw asak matsat shi ning du sai rai nna dingla ugut gu nga sai. Shi gaw grai sut su ai wa rai nna hkawhkam wa Mahanim mare e wa nga nga yang, shi hpe lusha hte hkap daw wu ai.

1 HKAWHKAM LABAU 12:40

Tsan la ai dingdung maga de na Yisahka, Zebulun hte Naphtali amyu bawsang ni gaw lawze, gawla-uk, gumra, utang ni hta lusha ngu na muk hte muk shadung, lakum si, sabyi si jahkraw, sabyi hte tsanlun sau ni htaw sa ma ai. Shanhte gaw sat sha na sagu dumsu ni hpe mung la sa ma ai. Ndai gaw mungdan ting hta kabu gara ai lam hpe madun dan ai lam rai nga ai.

GA SHAGAWP 18:16

Nang gaw ahkyak ai masha wa hte hkrum shaga mayu n ni? Shi hpang de kumhpaw kumhpa la sa ya u, shaloi, yak hkak ai lam hpa mung n nga mat na ra ai.

YEREMIA 40:10

Ngai nan chyawm gaw ndai Mizpa mare hta nga nga nna, Babelon masha ni du sa wa ai shaloi, nanhte a dat kasa tai nga na nngai. Rai ti mung nanhte gaw sabyi ntsin, namsi hte tsanlun sau ni hpe shinggyin nna mahkawng da mai nga myit dai, nanhte madu da ai kahtawng ni hkan nanhte nga lu na rai myit dai,” ngu nna tsun wu ai.

YEREMIA 40:12

Dai rai nna shanhte gaw shabra kau hkrum ai mungdan hkan nna pru wa nhtawm Yuda mung de nhtang wa ma ai. Shanhte gaw Mizpa mare e Gedalia hpang de sa nhtawm, dai mare hta sabyi ntsin hte namsi namsaw law law shu la lu ma ai.

AMO LAIKA (AMOS) 8:1

Ngai gaw Tsaw Htum ai dai Madu kaw na kaga shingran langai lu la nngai. Dai shingran hta ngai gaw namsi ka langai mu nngai.

MIHKA 7:1

Myit mada shara n nga nga a hka! Ngai gaw myin ai namsi di la kau ngut sai hpun ni hte sabyi ru hta sabyi si ni n si mat sai hpe mu nna kawsi kyet ai masha wa zawn rai nga nngai. Sabyi si sumbaw ni yawng hte mu mai ai lakum si ni yawng hta la kau sai.

1 SAMUELA 10:3

Nang gaw Behtela e Karai Kasang a matu shagu hkungga nawng ya na nga hkawm lung wa ai marai masum hte hkrum nna, dai Tabora na chyoi pra ai hpun tu ai shara de nang du wa ai aten du hkra, dai yang kaw nna lung wa na rai ndai. Shanhte hta langai wa mi gaw bainam kasha masum dun nhtawm, kaga langai mi gaw muk pa masum gun ai hte masum ngu na wa mahtang sabyi hpring hkra rawng ai shanhpyi tau gun na rai ma ai.

1 SAMUELA 16:20

Yese mung lawze daw hta muk shagun nna, sabyi hpring hkra bang ai shanhpyi tau langai hte bainam kasha hte hpawn Dawi hpe Shawlu hpang de shangun dat wu ai.

1 SAMUELA 25:18

Abigala gaw muk tawng lahkawng tsa, sabyi ntsin shanhpyi tau lahkawng hpring hpring, kakang da sai sagu manga, mam npaw dang lahkawng, sabyi si jahkraw sumbaw latsa, lakum si jahkraw hte galaw da ai muk lahkawng tsa, ni hpe alawan lahkawn shinggyin la nhtawm lawze ni hta htaw ma ai.