2 SAMUELA 15:32 - Jinghpaw Common Language Bible 2009

³² Dawi gaw kawng pungding na nawku shara langai de du jang, Arhki shara na shi a kam ging ai manang Hushai mung shi a hpun palawng ni gang je kau nhtawm baw hta ga nhpu hte bun la let shi hpe sa hkrum wu ai.

Jinghpaw Hanson Version Bible

³² Ya Dawi gaw, dai bum jinghkang na Karai Kasang nawku ai shara de du jang, Arhki shara na Hushi mung, hpun palawng gang je kau nna, baw hta ga nhpu hte bun let, shi hpe hkap tau na pru sa ai.

2 SAMUELA 15:32 ပူးပေါင်းရင်းမြစ်များ

2 SAMUELA 1:2

Hpang shani e, shabrang langai mi gaw Shawlu a dap kaw na du wa nhtawm shi a bu hpun palawng ni gang je kau let shi a baw ntsa e ga nhpu hte bun nna yawn hkyen ai lam madun dan nga wu ai. Shaloi Dawi hpang de shi sa nna ga de dingnyawm dagup let hkungga jaw wu ai.

2 SAMUELA 13:19

Tama gaw shi a baw hta dap hte bun let shi a palawng galu gang je kau nhtawm myi man hpe lata hte magum nna hkrap let wa mat wa wu ai.

2 SAMUELA 15:30

Dawi mung yawn hkyen ai kumla hte shi a baw htinggrum nna kyepdin raw kau nhtawm hkrap let, Tsanlun Bum de lung wa wu ai. Shi a hpang hkan ai masha ni yawng mung shanhte a baw ni htinggrum nhtawm hkrap let shi kaw hkan nang nga ma ai.

2 SAMUELA 16:1

Dawi gaw kawng pungding de loi mi sit sa wu yang, Mehpiboshet a shangun ma Ziba hte daw htaw sai lawze lahkawng hta muk tawng lahkawng tsa, sabyi si sumbaw latsa, kaja ai namsi sumbaw latsa, hte sabyi ntsin hpring hkra rawng ai shanhpyi tingsan langai htaw sa wa ai hte akajawng sha hkrum wu ai.

2 SAMUELA 16:15

Absalom hte shi kaw hkan nang nga ai Israela masha ni yawng gaw Yerusalem mare kata de shang wa ma ai rai nna shanhte hte rau Ahihtohpela mung lawm nga ai.

2 SAMUELA 17:5

Absalom chyawm gaw, “Ya jang Hushai hpe shaga wa marit, shi tsun na ga hpe anhte madat ga,” ngu nna tsun wu ai.

1 HKAWHKAM 11:7

Yerusalem mare a sinpraw maga na bum ntsa e, matsat shabat re ai Moba karai Hkemosha hte matsat shabat re ai Amon a Molek hpe nawku na shara ni gaw da nga wu ai.

1 HKAWHKAM 4:16

Hushai a kasha Bana: Ashe ginwang hte Bealot mare

1 HKAWHKAM LABAU 27:33

Ahihtohpela gaw hkawhkam wa hpe hpaji jaw ai wa rai nna, Arhki masha Hushai gaw hkawhkam wa a jinghku hte hpaji jaw salang rai nga ai.

SHAKAWN KUNGDAWN 3:7

Madu e, sa rit! Nye a Karai Kasang e, ngai hpe hkye hkrang la e! Nang gaw nye a gumlau hpyen ni yawng hpe ari jaw ndai, ngai hpe machyi shangun lu ai shanhte a n-gun atsam hpe nang shadaw kau ya nga ndai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 91:15

Shanhte ngai hpe shaga yang, ngai shanhte hpe htan ya na nngai; shanhte ru tsang hkrum yang, ngai shanhte hte rau nga nga na nngai. Ngai shanhte hpe mawai la nna; shagrau sha-a na mawe ai.

LUKA 19:29

Ya, Tsanlun bum na Bethpage kahtawng hte Behtani kahtawng de du magang jang, shi sape lahkawng hpe shi a shawng de shangun dat nna,

YAWSHU 16:2

Behtela kaw nna Luza hku hprang, Arhki masha ni nga ai Ahtarot Adara e byawn rai nga ai.

1 SAMUELA 4:12

Benyamin amyu bawsang hta na langai mi gaw hpyen ginra kaw nna Shilo mare de kagat wa ai rai nna, dai shani jang dai de du wa wu ai. Shaloi shi a yawn hkyen ai hpe madun dan na nga, shi a hpun palawng hpe gang je kau nhtawm shi a baw ntsa e ga hte bun dan wu ai.