2 SAMUELA 15:31 - Jinghpaw Common Language Bible 2009

³¹ Ahihtohpela mahtang Absalom a gumlau hpung hte matut mat sai shiga Dawi na jang, shi gaw, “Madu e, chyeju hte Ahihtohpela a hpaji daw ya ai lam hpe angawk kau ya u!,” ngu nna hpyi wu ai.

Jinghpaw Hanson Version Bible

³¹ masha langai mi mung Dawi hpe, “Absalom hte gumlau lawm ai hpung hta Ahihtohpela mung lawm ai,” ngu nna shana ya wu yang, Dawi gaw, “Yehowa e, Ahihtohpela daw ya ai hpaji hpe shangawk kau ya u,” ngu nna hpyi wu ai.

2 SAMUELA 15:31 ပူးပေါင်းရင်းမြစ်များ

2 SAMUELA 15:12

Absalom gaw Hkawhkam Dawi a hpaji jaw ni hta na langai rai nga ai Ahihtohpela mahtang Gilo mare e shagu hkungga ni hpe nawng jau nga yang, shaga la wu ai. Hkawhkam wa hpe gumlau maw mawn ai gaw n-gun ja wa nna Absalom a hpang hkan ai ni grau grau law jat wa ma ai.

2 SAMUELA 16:23

Dai prat e, Ahihtohpela jaw ai hpaji ga hpa mung Karai Kasang a ga san san rai nga ai ngu nna hkap la nga ma ai majaw, Dawi hte Absalom yan mung hkan nang nga ma ai.

2 SAMUELA 17:14

Absalom hte Israela masha ni yawng gaw, “Hushai a hpaji jaw ai ga mahtang Ahihtohpela jaw ai ga hta grau kaja nga ai,” ngu nna tsun ma ai. Dai gaw Ahihtohpela a kaja ai hpaji jaw ga hta n hkan mat wa lu hkra, Absalom a ntsa ru yak tsin-yam tsindam shapraw dat ai dai Madu a daw dan hpajang ai lam rai nga ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 SAMUELA 17:5

Absalom chyawm gaw, “Ya jang Hushai hpe shaga wa marit, shi tsun na ga hpe anhte madat ga,” ngu nna tsun wu ai.

2 SAMUELA 17:7

Hushai gaw, “Ndai lang Ahihtohpela nang hpe hpaji jaw ai lam n kaja nga ai.

YOBA 5:12

Hkalem hkalau chye ai masha ni a maw mawn lam ni hpe shi shanut kau ya nna shanhte galaw na shatawng shada ai amu hta hpaji rawng ai masha ni hpe mahkam hkam nga ai, shanhte galaw ai amu hpa mung awng dang na n rai,

SHAKAWN KUNGDAWN 109:3

Nye a lam hpe n hkru n hkra ai shatan nhkan ga ni hte shanhte tsun nhtawm; mara kata e, ngai hpe hpyen galaw ma ai.

SHAKAWN KUNGDAWN 3:1

Madu e, ngai gaw gumlau hpyen law law lu nngai, law law wa ngai hpe gumlau nga ma hka!

SHAKAWN KUNGDAWN 41:9

Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

SHAKAWN KUNGDAWN 55:10

dai mare hpe shani shana kawan hkawm nna, dai mare hta ru hka amu hte myit ru myit tsang ai hte hpring nga ai.

SHAKAWN KUNGDAWN 55:12

Gumlau hpyen wa ngai hpe mani asawng ai rai yang, ga dai hpe hkam lu na nngai; nye a hpyen wa nye a ntsa e, gumrawng gumtawng nga ai rai yang, shi kaw na ngai makoi mat lu nngai.

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

YAWHAN 13:18

Nanhte yawng hpe sha-ang nna ngai tsun nga nngai n rai; ngai lata la tawn sai ni hpe gaw ngai chye da we ai. Rai ti mung, Chyum Laika hta, nye a shat sha ai wa gaw, shi a lahtin hte ngai hpe hkindit nngai, nga nna ka da ai ga dik wa lu na matu rai nga ai.

1 KORINHTU 1:20

Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?

YAKU 3:15

Shing re ai hpaji byeng-ya chyawm gaw sumsing lamu de nna yu wa ai hpaji byeng-ya n rai; dai gaw dinghta mungkan hte wenyi lam n re ai asai ashan hte nat matse hte sha seng nga ai.