2 SAMUELA 15:25 - Jinghpaw Common Language Bible 2009

²⁵ Dai hpang hkawhkam wa gaw Zadok hpe, “Ga Shaka Sumpu hpe mare de bai la wa mu; dai Madu ngai hta awng sharawng nga ai rai yang, dai hpe tawn da ai shara hta dai hpe bai mu lu na matu ngai hpe bai nhtang wa shangun na rai wu ai.

Jinghpaw Hanson Version Bible

²⁵ Hkawhkam wa chyawm gaw Zadok hpe, “Karai Kasang a sumpu gaw mare de wa tawn da mu: Yehowa ngai hpe myit du dum ai rai yang gaw, shi ngai e bai woi wa nna, sumpu hpe mung, shi a shingwung shara hpe mung, mu lu shangun na ra ai:

2 SAMUELA 15:25 ပူးပေါင်းရင်းမြစ်များ

2 SAMUELA 6:17

De a matu ngu nna Dawi gap tawn ai Sum kata shi a shara ngu na kaw dai Sumpu hpe shanhte la shang wa nna tawn da ma ai. Dai hpang dai Madu a matu shagu hkungga hte mahku hkungga ni nawng jau ya ma ai.

2 SAMUELA 7:2

Dai hpang hkawhkam wa gaw myihtoi Nahtan hpe, “Yu u, ngai chyawm gaw marau hpun hte galaw ai nta hta rawng nga nngai; rai ti mung Karai Kasang a Ga Shaka Sumpu mahtang sumpan sum kata e rawng nga ai le!,” ngu nna tsun wu ai.

SHAKAWN KUNGDAWN 122:1

Shanhte gaw, “Dai Madu a nta de anhte lung wa saga,” nga nna ngai hpe tsun ma ai shaloi, ngai kabu gara nga nngai.

SHAKAWN KUNGDAWN 122:9

Anhte a Madu Karai Kasang a nta a jaw e, na a ngamu ngamai lam a matu, ngai akyu hpyi nga nngai.

SHAKAWN KUNGDAWN 26:8

O Madu e, nang nga ai nta hte, na a hpung shingkang shanu nga ai shara hpe ngai tsaw ra nga nngai.

SHAKAWN KUNGDAWN 84:10

Na a Nawku Htingnu hta lani mi sha nga lu ai gaw kaga shara e, nhtoi hkying mi nga ai hta grau kaja nga ai; Ngai gaw tara n lang ai wa a nta ni hta nga lu ai gaw Karai Kasang a nta chyinghka hkinbawng hta e, tsap nga na hpe, grau nna tsaw nga nngai.

PRU MAT 15:13

Na a ga sadi hta sadi dung nga ai rai nna, amyu masha ni hpe nang woi wa let, nang hkye mawai la nit dai; na a n-gun hte na a chyoi pra ai mung de nang shanhte hpe woi madun wa nit dai.

PRU MAT 33:12

Mawshe gaw dai Madu hpe, “Ndai amyu masha ni hpe dai mung de woi wa na, nang ngai hpe tsun ai gaw teng nga ai; rai ti mung ngai hte rau kadai hpe nang shangun ya na gaw ngai hpe n tsun yu ndai. Nang ngai hpe kaja wa chye nna yu sharawng nga ndai hpe gaw nang tsun nit dai.

PRU MAT 33:13

Ya chyawm gaw, na a yaw shada ai lam ni ngai hpe tsun dan nga ndai rai nna, nang hpe ngai daw jau na nngai. Ndai amyu masha ni hpe na a amyu masha majing hku nna nang lata la nit dai hpe mung dum nga u law.

ESAIA 38:22

Dai hpang Hkawhkam Hezekia gaw, “Nawku Htingnu de ngai sa wa na gaw kaning re ai sakse kumla rai nga a ta?,” ngu nna san yu nu ai.

YEREMIA 25:30

Yeremia e, nang gaw ngai tsun ai lam yawng mayawng hte hpe hkaw tsun na rai nga ndai. Nang gaw ndai amyu masha ni hpe, ‘Dai Madu gaw sumsing lamu kaw na shabam ai hte sumsing lamu a tsaw ai shara kaw nna mu shangoi dat na ra ai. Shi gaw shi a amyu masha ni hpe shabam nna, sabyi si kabye ai wa zawn marawn jahtau na ra ai. Ginding aga ntsa na masha shagu hte gaw shi a nsen hpe na na mara ai,

YEREMIA 7:4

‘Anhte gaw shim lum ga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai!,’ nga nna masu magaw ga tsun ai ni hpe hkum kam nga et.