2 SAMUELA 15:24 - Jinghpaw Common Language Bible 2009

²⁴ Dai yang e nga nga ai hkinjawng Zadok hte Lewi masha ni mung chyoi pra ai Ga Shaka Sumpu hpai da nga ma ai. Shanhte gaw amyu masha ni yawng mare kaw nna pru tawm mat wa ai aten du hkra dai Ga Shaka Sumpu hpe n hta ka-aw ai sha tawn da ma ai. Hkinjawng Abiahta mung dai yang e nga nga ai.

Jinghpaw Hanson Version Bible

²⁴ Zadok hte Lewi masha ni nlang mung Karai Kasang a ga shaka sumpu hpai let du ma ai rai nna, shanhte gaw Karai Kasang a sumpu tawn da nhtawm, masha nlang mare na pru ma tawm ai du hkra, Abiahta gaw kawng de lung wa la ai.

2 SAMUELA 15:24 ပူးပေါင်းရင်းမြစ်များ

2 SAMUELA 15:27

Shi gaw matut nna Zadok hpe, “Yu u, na a kasha Ahimaza hte Abiahta a kasha Yonahtan hpe woi nna mare de mahtang angwi apyaw hte nhtang wa masu.

2 SAMUELA 15:35

Dai yang e, hkinjawng Zadok hte Abiahta yan mung nga nga na mara ai rai nna hkawhkam htingnu kata nang na ai lam magup shan hpe tsun dan lu na rai ndai.

2 SAMUELA 20:25

Shewa gaw hkawhkam hkaw hte seng ai amu madu rai nga ai; Zadok hte Abiahta yan gaw hkinjawng rai ma ai.

2 SAMUELA 6:13

Dai Ga Shaka Sumpu hpai ai masha ni lagaw lahkam kru htawt ngut ai hpang usu hte hpum sau ai dumsu kasha dai Madu a matu shagu hkungga nawng ya na Dawi shanhte hpe jahkring da wu ai.

2 SAMUELA 8:17

Ahitub a kasha Zadok hte Abiahta a kasha Ahimelek yan gaw hkinjawng yan rai ma ai. Seraia chyawm gaw hkawhkam hkaw na amu madu rai nga ai;

1 HKAWHKAM 1:8

Rai ti mung hkinjawng Zadok, Yehoiada a kasha Benaia, myihtoi Nahtan, Shime, Rei hte Dawi hpe hkan sin ya ai ni gaw Adoniya a maga de n tsap nga ma ai.

1 HKAWHKAM 2:26

Dai hpang hkawhkam Shawlumon gaw hkinjawng Abiahta hpe, “Na a daidaw buga Anahtot mare de nhtang wa su; nang gaw si ging ai wa rai nga ndai, rai ti mung nye wa Dawi hte rau nang nga nga ai hte yang dai Madu a Ga Shaka Sumpu amu hpe woi hpareng yu nit dai hte shi a ru yak tsin-yam tsindam yawng hpe nang gun hpai karum nit dai majaw ya ngai nang hpe sat kau na de ai n rai,” ngu nna tsun wu ai.

1 HKAWHKAM 2:35

Hkawhkam wa gaw Yoab a shara hta hpyen luksuk hpe up hkang na matu Benaia hpe mung, Abiahta a shara hta hkinjawng Zadok hpe mung san tawn da wu ai.

1 HKAWHKAM LABAU 15:2

Dai rai nna Dawi gaw, “Lewi masha ni gaw Ga Shaka Sumpu hpe hpai na hte shi hpe htani htana daw jau na matu dai Madu lata san da nu ai rai nga ai majaw Lewi masha ni chyu sha dai Sumpu hpe hpai na rai ma ai,” ngu nna tsun wu ai.

EZEKELA 48:11

Ndai chyoi pra ai shara gaw Zadok a matu mara hkinjawng ni a matu rai nga ai. Shanhte gaw ngai hpe kangka ai hte daw jau ma ai; kaga Lewi bawsang ni zawn shut hpyit amu galaw ai Israela amyu masha ni hta n shang lawm nga ma ai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

BU HKAWM 7:9

Rai ti mung Kohat a kashu kasha ni mahtang chyoi pra ai arai ni hpe sadi sahka hte shanhte a lahpa hte hpai ma ai majaw Mawshe shanhte hpe leng hte utang ni n jaw ma ai.

YAWSHU 3:3

amyu masha ni hpe, “Dai Madu nanhte a Karai Kasang a Ga Shaka Sumpu hpai ai hkinjawng ni hpe nanhte mu ai shaloi, dap kaw na pru nhtawm shanhte a hpang hkan nang na rai myit dai.

YAWSHU 3:6

Dai hpang, hkinjawng ni hpe mung Ga Shaka Sumpu hpai let amyu masha ni a shawng e pru sa wa na lam tsun mu ai. Shanhte mung shi tsun ai hte maren galaw ma ai.

YAWSHU 6:4

Pahtau langai hpra lang ai hkinjawng sanit gaw Ga Shaka Sumpu a shawng e sa wa na rai ma ai. Nang hte na a hpyenla ni gaw sanit ya ngu na shani hta dai mare hpe sanit lang hkawm shinggrup nga yang, hkinjawng ni pahtau dum nga na rai ma ai.

YAWSHU 6:6

Yawshu gaw hkinjawng ni hpe shaga la nna shanhte hpe, “Dai Ga Shaka Sumpu hpe hpai nhtawm nanhte hta na marai sanit pahtau lang let, Sumpu a shawng e sa wa masu,” ngu nna tsun wu ai.

1 SAMUELA 22:20

Rai ti mung, Ahimelek a kasha langai rai nga ai Abiahta mahtang hprawng lawt mat wa nhtawm, Dawi kaw sa let shi hte matut mahkai mat wu ai.

1 SAMUELA 4:11

Karai Kasang a Ga Shaka Sumpu mung la kau ya hkrum ai hte Eli a kasha Hopni yan Hpineha shan lahkawng sat kau hkrum ma ai.