2 SAMUELA 15:23 - Jinghpaw Common Language Bible 2009

²³ Dawi kaw hkan nang ai masha ni pru mat wa ma yang, amyu masha ni ja ja jahtau hkrap nga ma ai. Hkawhkam wa gaw Kidron hka shi rap jang shi a masha ni mung hkan rap nang nna shanhte rau sha nam mali maga de hkawm shang mat wa ma ai.

Jinghpaw Hanson Version Bible

²³ Mung masha ni nlang hte gaw grai hkrap sharung ma ai; shi kaw hkan nang ai ni nlang sa wa nna, Hkawhkam wa nan Kidron hkaraw rap wu yang, masha nlang hkan rap wa nna, nam lam hku bawp mat wa ma ai.

2 SAMUELA 15:23 ပူးပေါင်းရင်းမြစ်များ

2 SAMUELA 15:22

Dawi gaw, “Dai daram wa nga jang mung, rai la sai! She rawt sa wa masu!,” ngu nna htan wu ai. Dai rai nna Itai mung shi a masha ni hte shanhte hta hkan shingbyi nang nga ai ni yawng hte rau lai sa mat wa ma ai.

2 SAMUELA 15:28

Ndai aten hte yang chyawm gaw, nang kaw na shiga bai lu la ai aten du hkra, nam mali kata na hka rap ai uhkan shara hta ngai ala nga na nngai,” ngu nna tsun wu ai.

2 SAMUELA 16:2

Hkawhkam Dawi gaw shi hpe, “Dai arai ni yawng hpe hpa galaw na ngu n ta?,” ngu nna hkap san wu ai. Ziba chyawm gaw, “Ndai lawze lahkawng gaw madu hkawhkam a dinghku masha ni jawn na matu, muk hte namsi gaw masha sha na matu; sabyi ntsin gaw nam mali kata e shanhte hki ba jang lu na matu rai nga ai,” ngu nna htan wu ai.

1 HKAWHKAM 15:13

Shi a kawoi Mahka mung matsat shabat re ai Ashera karai num a mayat maya ai hpara sumla hpe galaw wu ai majaw shi hpe hkawhkam jan a kanu aya kaw nna jahkrat kau wu ai. Shing rai Asa gaw hpara sumla hpe kahtam daw kau nhtawm Kidron Kadit e dai hpe nat kau wu ai.

1 HKAWHKAM 2:37

Nang rai nna Kidron hka shi lai hkra pru mat wa ai rai yang teng teng si lu na ndai; nang hkum nan mara jaw hkrum na rai ndai,” ngu nna tsun wu ai.

2 HKAWHKAM LABAU 29:16

Hkinjawng ni mung Nawku Htingnu kata de shang nna dai hpe jasan jaseng nhtawm htung hte maren n san n seng ai arai shagu hte hpe Nawku Htingnu wang e htawm shapraw da ma ai. Lewi masha ni gaw dai ni yawng hpe mare shinggan Kidron Kadit de sa htawm kau ma ai.

YEREMIA 31:40

Si ai ni hpe makoi mayang ai lupwa hte maza mala ni hpe kabai sumpum da ai kadit ting hte sinpraw maga Gumra Chyinghka du hkra Kidron hkaraw ntsa hkan na sun ni yawng gaw nye a chyoi pra ai shara ni tai na mara ai. Dai mare gaw galoi mung bai run kau ai hte jahten shabyak kau ai hkrum na n rai,” nga nna tsun ai.

MAHTE 3:1

Dai ladaw a laman e, Hkalup sara Yawhan paw pru nna, Yuda nam mali hkan e,

MAHTE 3:3

“Dai Madu a matu lam lajang da mu, Shi a matu, hkawm sa wa na lam masun ni hpe shading mu, nga nna nam mali kata e masha langai mi jahtau nga ai,” nga nna myihtoi Esaia tsun ai wa gaw Yawhan hpe nan ngu ai rai nga ai.

LUKA 1:80

Dai ma gaw gawng shingyan kaba wa nna wenyi atsam hpring let, Israela masha ni kaw dan pru ai nhtoi du hkra, nam mali hkan e nga nga ai.

YAWHAN 18:1

Yesu gaw ning ngu nna akyu hpyi ngut ai hpang, shi a sape ni hte rau pru wa nna, Kidron hkaraw wora hkran de rap sa wa ma ai. Dai yang e sun langai mi nga nga ai rai nna, Yesu hte shi a sape ni dai de shang wa ma ai.

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.