2 SAMUELA 15:13 - Jinghpaw Common Language Bible 2009

¹³ Kasa langai mi gaw Dawi kaw sa nna, “Israela masha ni mahtang Absalom hta sadi dung nna myit lawm mat wa masai,” ngu nna shiga tsun dan wu ai.

Jinghpaw Hanson Version Bible

¹³ Shaloi masha langai mi gaw Dawi kaw sa nna, “Israela masha ni a myit gaw Absalom hpang de lawm mat wa masai,” ngu nna ashi tsun wu ai.

2 SAMUELA 15:13 ပူးပေါင်းရင်းမြစ်များ

2 SAMUELA 15:6

Teng man ai amu a matu hkawhkam wa kaw sa sa re ai Israela masha shagu hte hpe Absalom dai hku hkap galaw law di wu ai majaw shanhte a sadi dung madat mara ai lam hpe shi mayun hkam la lu nga wu ai.

2 SAMUELA 3:36

Dai amu masha nlang mu matsing nna yu sharawng ma ai; kaja wa hkawhkam wa galaw ai lam magup hpe amyu masha ni yu sharawng nga ma ai.

SHAKAWN KUNGDAWN 3:1

Madu e, ngai gaw gumlau hpyen law law lu nngai, law law wa ngai hpe gumlau nga ma hka!

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

MAHTE 27:22

Pilat gaw, “Dai rai yang gaw, Meshia ngu ai Yesu hpe ngai kaning di na we ta?,” ngu nna shanhte hpe san mu ai. Shanhte yawng, “Wudang hta jen sat kau u!,” ngu ma ai.

TARA AGYI 9:3

Shi kanu a makyin jinghku ni mahtang Shehkem masha ni hpe shi a matu dai lam tsun ya mu ai rai nna mung, shi nan shanhte a jinghku rai nga ai majaw mung, Shehkem masha ni gaw Abimelek a hpang hkan na daw dan da ma ai.