2 SAMUELA 15:12 - Jinghpaw Common Language Bible 2009

¹² Absalom gaw Hkawhkam Dawi a hpaji jaw ni hta na langai rai nga ai Ahihtohpela mahtang Gilo mare e shagu hkungga ni hpe nawng jau nga yang, shaga la wu ai. Hkawhkam wa hpe gumlau maw mawn ai gaw n-gun ja wa nna Absalom a hpang hkan ai ni grau grau law jat wa ma ai.

Jinghpaw Hanson Version Bible

¹² Absalom mung, Dawi a mungbawng salang wa, Gilo mare masha Ahihtohpela hpe, shi nga ai Gilo mare e hkungga jaw jau nga ai kaw na shaga la wu ai. Absalom hpang de hkan nang ai ni grau grau jat wa ma ai majaw, gumlau amu gaw ja wa malu ai.

2 SAMUELA 15:12 ပူးပေါင်းရင်းမြစ်များ

2 SAMUELA 15:31

Ahihtohpela mahtang Absalom a gumlau hpung hte matut mat sai shiga Dawi na jang, shi gaw, “Madu e, chyeju hte Ahihtohpela a hpaji daw ya ai lam hpe angawk kau ya u!,” ngu nna hpyi wu ai.

2 SAMUELA 16:15

Absalom hte shi kaw hkan nang nga ai Israela masha ni yawng gaw Yerusalem mare kata de shang wa ma ai rai nna shanhte hte rau Ahihtohpela mung lawm nga ai.

2 SAMUELA 17:14

Absalom hte Israela masha ni yawng gaw, “Hushai a hpaji jaw ai ga mahtang Ahihtohpela jaw ai ga hta grau kaja nga ai,” ngu nna tsun ma ai. Dai gaw Ahihtohpela a kaja ai hpaji jaw ga hta n hkan mat wa lu hkra, Absalom a ntsa ru yak tsin-yam tsindam shapraw dat ai dai Madu a daw dan hpajang ai lam rai nga ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

1 HKAWHKAM 21:12

Shanhte gaw lusha gam na nhtoi hpe tsun ndau nhtawm amyu masha ni hpe shaga shinggyin la let, Nabot hpe shagrau sha-a na shara jaw da mu ai.

1 HKAWHKAM 21:9

Dai laika ni hta ning nga rawng nga ai: “Lusha gam na nhtoi langai hpe tsun shabra da mu, amyu masha ni hpe mung shaga shinggyin da nhtawm Nabot hpe shagrau sha-a na shara jaw tawn mu.

1 HKAWHKAM LABAU 27:33

Ahihtohpela gaw hkawhkam wa hpe hpaji jaw ai wa rai nna, Arhki masha Hushai gaw hkawhkam wa a jinghku hte hpaji jaw salang rai nga ai.

SHAKAWN KUNGDAWN 41:10

Madu e, ngai hpe matsan dum la nna, hkam kaja ai lam ngai hpe bai jaw bang ya e; shaloi, nye a gumlau hpyen ni hpe ngai tai lu na ring ngai.

SHAKAWN KUNGDAWN 41:9

Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

GA SHAGAWP 21:27

Tara n lang ai masha ni dai Madu hpe shagu hkungga nawng jau ya ai shaloi, shi dai hpe n dawng nga ai; dai hta grau nna n hkru ai myit akyang hte shanhte nawng jau ai rai yang grau n dawng nga ai.

YEREMIA 6:20

Shanhte gaw nye a matu Sheba mung kaw nna la sa wa ai manam pyaw ai baw lawban hte sumtsan mung kaw nna la sa ai namji namya ni hpe hpa lam a majaw ngai sharawng awng na rai nga a ta? Ngai gaw shanhte a hkungga ni hpe hkap la na n rai, shanhte a shagu hkungga ni hta ra sharawng na nngai n rai.

BU HKAWM 23:1

Shi gaw Balak hpe, “Ndai yang e nye a matu tawn hkungri sanit gaw u; dai hpang usu sanit hte sagu la sanit ngai hpang de dun sa wa u,” ngu nna tsun wu ai.

BU HKAWM 23:14

Balak gaw shi hpe Pisga bum pungding na Zohpim pa de woi lung wa wu ai. Dai yang e mung tawn hkungri sanit gaw nhtawm tawn hkungri shagu hta usu langai hte sagu la langai ngai nat nawng wu ai.

BU HKAWM 23:30

Balak mung shi tsun ai hte maren galaw nna tawn hkungri shagu hta usu langai, sagu la langai ngai nawng jau ya wu ai.

YAWHAN 13:18

Nanhte yawng hpe sha-ang nna ngai tsun nga nngai n rai; ngai lata la tawn sai ni hpe gaw ngai chye da we ai. Rai ti mung, Chyum Laika hta, nye a shat sha ai wa gaw, shi a lahtin hte ngai hpe hkindit nngai, nga nna ka da ai ga dik wa lu na matu rai nga ai.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

YAWSHU 15:51

Goshen, Holon, Gilo ni rai nga ai. Kahtawng ni hte hpawn mare shi langai rai nga ai.