2 SAMUELA 15:10 - Jinghpaw Common Language Bible 2009

¹⁰ Rai ti mung shi gaw Israela amyu bawsang ni yawng hpang de kasa ni hpe shangun dat nhtawm, “Pahtau dum ai nsen hpe nanhte na jang, ‘Absalom gaw Hebron mare hta hkawhkam tai wa sanu ai law!,’” ngu nna jahtau tsun dat mu, nga nna tsun na rai myit dai.

Jinghpaw Hanson Version Bible

¹⁰ Rai timung, Absalom gaw, Israela amyu ni nlang hpang de gumlau kasa shangun dat nna, amyu masha ni hpe, “Pahtau dum ai na jang, Absalom gaw Hebron mare e hkaw dung ai re ai chye mu, ngu nna tsun da mu,” nga nna hkang dat ai.

2 SAMUELA 15:10 ပူးပေါင်းရင်းမြစ်များ

2 SAMUELA 13:28

shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

2 SAMUELA 14:30

Dai re ai majaw Absalom gaw shi a shangun ma ni hpe, “Yu mu, Yoab a yi gaw ngai hte ani sha rai nga ai; dai yi hta muk-yaw mam tu nga ai; dai ni hpe sa nat kau masu,” ngu nna tsun wu ai. Shanhte mung dai yi sa nat kau ya ma ai.

2 SAMUELA 15:9

Hkawhkam wa gaw, “Ngwi pyaw sim sa ai hte wa su,” ngu nna tsun wu ai. Dai rai nna Absalom mung Hebron mare de wa mat wa wu ai.

2 SAMUELA 19:10

Anhte a hkawhkam tai u ga ngu, Absalom hpe anhte namman jaw ya saga ti mung, majan pa e sat kau ai hkrum nu ai. Dai rai nna ya mung Hkawhkam Dawi hpe sa woi la na lam marai langai ngai hpa majaw n woi shakut nga myit ni?,” ngu nna shanhte shada da tsun hkat nga ma ai.

2 SAMUELA 2:1

Dai hpang, Dawi gaw dai Madu hpe, “Ngai sa nna Yuda mare langai ngai hpe madu la lu na a ni?,” ngu nna san wu ai. Dai Madu mung, “Rai sa, nang sa lu na ndai,” ngu nna htan wu ai. Dawi gaw, “Gara mare mahtang?,” ngu nna san wu yang, “Hebron,” ngu nna dai Madu tsun wu ai.

2 SAMUELA 2:11

Hebron mare hta hkaw dung nhtawm Yuda mung ting hpe sanit ning e shata kru up nga ai.

2 SAMUELA 5:5

Shi gaw Hebron mare e nga nna Yuda mung hpe sanit ning e shata kru up hkang nhtawm Yerusalem mare e nga nna Israela hte Yuda mung yawng hpe sumshi masum ning tup up nga wu ai.

1 HKAWHKAM 1:11

Dai hpang Nahtan gaw Shawlumon a kanu Batsheba hpang de sa nhtawm, “Hagit a shadang sha Adoniya gaw shi hkum shi hkawhkam shatai la nu ai hpe nang n na wu ni? Hkawhkam Dawi chyawm gaw dai lam hpe n chye wu ai!

1 HKAWHKAM 1:34

dai yang e, Zadok hte Nahtan gaw shi hpe Israela hkawhkam tai wa na matu namman jaw ya na rai myit dai. Dai hpang pahtau dum dat nhtawm, “Hkawhkam Shawlumon asak galu u ga law!,’ ngu nna jahtau tsun na rai myit dai.

2 HKAWHKAM 9:13

Yehu a du manang ni gaw kalang lata shanhte a palawng galu ni hpe raw la nna Yehu wa tsap na matu lakang baw e nep da nhtawm pahtau ni hpe dum let, “Yehu gaw hkawhkam rai nga sai law!,” ngu nna jahtau tsun ma ai.

1 HKAWHKAM LABAU 11:3

Dai rai nna Israela ningbaw ni yawng Hebron mare de Hkawhkam Dawi kaw du sa ma ai. Shi mung shanhte hte chyoi pra ai ga shaka galaw nna jinghku hku tawn wu ai; shing rai shanhte gaw shi hpe namman jaw ya nhtawm dai Madu gaw Samuela hku nna ga sadi jaw da nu ai hte maren, shi mung Israela a hkawhkam tai wa nu ai.

1 HKAWHKAM LABAU 12:23

Ya Hebron mare e Dawi nga nga yang, shaman shakyang da sai hpyenla law law hte gaw dai Madu ga sadi jaw da nu ai hte maren, Shawlu a shara hta shi hpe hkawhkam shatai ai hta karum la na matu shi a luksuk de shang sa ma ai. Shanhte a hti hkum ni gaw lawu de na hte maren rai nga ai: Yuda: 6,800 hpyen hking lang nna nri ninggang ni lang ai masha ni; Simun: 7,100 atsawm sha shaman shakyang da sai masha ni re. Lewi: 4,600 masha ni; Arun amyu matu na Yehoiada a hpang hkan ai masha 3,700; Zadok a kahpu kanau dap na majan woi awn lu ai shabrang 22; Benyamin (Shawlu a amyu bawsang nan) 3,000 (Benyamin masha law malawng hte gaw Shawlu hta sadi naw dung nga ma ai); Ehprim: 20,800 shanhte a amyu lakung ni hta na gumhkawng ai masha ni; Sinna Manashe: 18,000 Dawi hpe hkawhkam sa shatai na matu lata san da ai masha ni; Yisahka: Ningbaw 200; shanhte a up hkang ai npu hta rai nga ai masha ni (Ndai ningbaw ni gaw Israela masha ni hpa galaw ang ai hte kaja htum ai aten hta kaning rai galaw na lam chye nga ma ai.); Zebulun: 50,000 Majan gasat na matu jin jin rai nga nna, sadi dung let kam ging ai masha ni, laknak hkum sumhpa yawng hpe lang na matu shaman shakyang da masai. Naphtali: Ningbaw 1,000, ri ninggang hpai masha 37,000 hte rau rai nga ai. Dan: Shaman shakyang da ai masha 28,600. Ashe: Majan gasat na matu jin jin re ai masha 40,000; Yawdan hka sinpraw hkran na amyu bawsang: Rubin, Gad hte Sinpraw Manashe: hpyen gasat na matu hpyen hking hte laknak amyu hkum sumhpa lang nna shaman shakyang da sai masha 120,000.

1 HKAWHKAM LABAU 12:38

Ndai share hpyenla ni yawng gaw majan a matu jin jin rai nga nhtawm Dawi hpe Israela hkawhkam aya dang ya na nga, myit daw dan let, Hebron mare de sa wa ma ai. Naw ngam nga ai Israela amyu masha ni yawng mung dai yaw shada ai lam hte maren myit hkrum gumhpawn nga ma ai.